مشکل ترین وقت میں حکومت سنبھالی ہے،وزیراعظم عمران خان
The news is by your side.

Advertisement

مشکل ترین وقت میں حکومت سنبھالی ہے،وزیراعظم عمران خان

وزیراعظم کی صوبوں اوروفاق میں کوآرڈینیشن بہترکرنےکی ہدایت

اسلام آباد : وزیراعظم عمران خان نے صوبوں اوروفاق میں کوآرڈینیشن بہترکرنےکی ہدایت کرتے ہوئے کہامشکل ترین وقت میں حکومت سنبھالی ہے، پی ٹی آئی نےبہتری کیلئےجواقدامات کیےاجاگرکرنےکی ضرورت ہے، عوام کوپتہ چلناچاہیےترقی اوراسپیڈ کےدعوےکرنےوالےکیسےحالات چھوڑکرگئے۔

تفصیلات کے مطابق وزیراعظم عمران خان کی زیر صدارت اعلیٰ سطح اجلاس ہوا، اجلاس میں وفاقی حکومت، صوبہ پنجاب اورخیبرپختونخوا کی حکومتی قیادت شریک ہوئی، وزیرمنصوبہ بندی نے مستقبل کی ترجیحات سےمتعلق شرکا کو بریفنگ دی۔

وزیراعظم نے صوبوں ، وفاق میں کوآرڈینیشن بہتر کرنے کی ہدایت کرتے ہوئے کہا بہترکوآرڈینیشن کامقصدعوام کودرپیش مسائل کاحل نکالناہے، رابطوں کا مقصد مربوط اورمنظم حکمت عملی اورپالیسیوں کی تشکیل ہے، موجودہ حکومت اپنی 6ماہ کی مدت مکمل کرنےجارہی ہے، حکومت اپنےدوراقتدارکےاگلےفیزمیں داخل ہوگئی ہے۔

عوام کوپتہ چلناچاہیےترقی اوراسپیڈ کےدعوےکرنےوالےکیسےحالات چھوڑکرگئے

وزیراعظم

عمران خان کا کہنا تھا کہ صوبوں اوروفاق کےدرمیان بہترکوآرڈینیشن کی ضرورت ہے، پی ٹی آئی نےبہتری کیلئےجواقدامات کیےاجاگرکرنےکی ضرورت ہے، عوام کوپتہ چلناچاہیے ترقی اور اسپیڈ کے دعوے کرنے والے کیسے حالات چھوڑ کرگئے ہیں۔

اجلاس میں وزیراعظم نے مزید کہا مشکل ترین وقت میں حکومت سنبھالی ہے، ادراک ہےروپےکی قدرمیں کمی کےباعث عوام مشکلات کاشکارہیں، حکومت معاشی حالات کی بہتری کےلیےمسلسل کوششیں کررہی ہے۔

اعلیٰ سطحی اجلاس میں علاقائی ترقیاتی تفریق کم کرنےکیلئےریجنل ایکولائزیشن ڈویلپمنٹ فنڈکےقیام پرغور کیا گیا، وزیراعظم نے کہا وفاق اورصوبائی حکومتیں مل کرپسماندہ علاقوں کی ترقی کیلئےاقدامات کریں گی ، اےڈی بی اورورلڈبینک کے تعاون سے 50شہروں کی ترقی پرتوجہ دی جائے گی۔

صحت، تعلیم ، ایگری کلچراوردیگر شعبوں میں اب تک اٹھائےگئےاقدامات پربریفنگ میں کہا سیاحت کے پوٹینشل کو بروئے کار لانے کے لیے روڈمیپ تشکیل دیا جارہا ہے، وزیراعظم کے وژن کے مطابق نالج اکنانومی کوفروغ دیاجارہاہے۔

وزیراعظم کوبریفنگ میں بتایا گیا پنجاب میں 7انڈسٹریل زونزکےقیام کی سفارشات بورڈآف انویسٹمنٹ کوارسال کردی ہے ، بورڈآف انویسٹمنٹ کوآئندہ 30دنوں میں فریم ورک مرتب کرنےکی ہدایت ہے۔

پنجاب کے 8 لاکھ افراد کو صحت انصاف کارڈ کا عمل 20تاریخ سےشروع ہوگا، بریفنگ

بریفنگ میں مزید کہا گیا پنجاب میں پہلی مرتبہ کسانوں کوگنےکی فصل کا پورا ریٹ ملاہے، خوردنی تیل کی فصل کوفروغ دینےکےلیےکسانوں کو سبسڈی دی جارہی ہے، پنجاب کے 8 لاکھ افراد کو صحت انصاف کارڈ کا عمل 20تاریخ سےشروع ہوگا ، پہلے مرحلے میں راجن پور،ڈی جی خان،مظفر گڑھ،ملتان میں صحت انصاف کارڈ دیئے جائیں گے ، 2019 کے آخر تک پنجاب کے36اضلاع کوصحت کارڈدے دیئےجائیں گے۔

وزیر اعظم کی ایگری کلچرسیکٹراورشعبے کے فروغ پرخصوصی توجہ دینے کی ہدایت

وزیر اعظم نے ایگری کلچرسیکٹراورشعبے کے فروغ پرخصوصی توجہ دینے کی ہدایت کرتے ہوئے کہا ایگری کلچرسیکٹرکی ترقی سےعوام کوغربت سےنکلنےمیں مددملےگی۔

وزیر اعظم کی اسپتالوں میں صحت کےانتظام اورصفائی کےمعیارکویقینی بنانےکی ہدایت

وزیر اعظم نے اسپتالوں میں صحت کےانتظام اورصفائی کےمعیارکویقینی بنانےکی ہدایت کی اور کہا اسپتال انتظامیہ پرواضح کیاجائےصفائی کےمعیارپررعایت نہیں برتی جائےگی اور وزرااسپتالوں کےباقاعدگی سےدورےکریں۔

وزیرمنصوبہ بندی نے بریفنگ میں کہا رشکئی اکنامک زون بہت جلدآپریشنل کردیاجائےگا، جس کے بعد اجلاس میں فنانس،ایگری کلچر،صحت،تعلیم کےشعبوں میں کوآرڈینیشن کی بہتری کیلئے ورکنگ گروپس تشکیل دے دیا گیا۔

Comments

comments

یہ بھی پڑھیں