اسلام آباد: وزیراعظم عمران خان نے افغان صدر اشرف غنی کو مبارکباد دیتے ہوئے کہا کہ افغان صدر کے ساتھ کام کرنے کے خواہاں ہیں۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں افغان صدر اشرف غنی کو مبارکباد دیتے ہوئے کہا کہ اشرف غنی کے ساتھ کام کرنے کے خواہاں ہیں۔
وزیراعظم پاکستان نے اپنے پیغام میں مزید کہا کہ پاکستان خطے میں امن و استحکام کے لیے ہر ممکن کوشش کرے گا۔
I want to congratulate Afghanistan’s President Ashraf Ghani & look forward to working with him. Pakistan will do everything it possibly can to bring peace and stability in our region.
— Imran Khan (@ImranKhanPTI) March 9, 2020
امریکی ثالثی ناکام، افغانستان میں بہ یک وقت 2 صدور نے حلف اٹھا لیا
واضح رہے کہ اشرف غنی کی تقریب حلف برداری افغانستان کے دارالحکومت کابل کے صدارتی محل میں ہوئی۔افغان صدر اشرف غنی نے دوسری مدت کے لیے عہدے کا حلف اٹھایا تاہم ان کے حریف سیاست دان اور چیف ایگزیکٹو عبداللہ عبداللہ نے متوازی حکومت بنانے کا اعلان کرتے ہوئے خود بھی ایک تقریب منعقد کر کے صدارت کا حلف اٹھایا۔
