The news is by your side.

Advertisement

وزیراعظم کی رمضان میں لوڈشیڈنگ نہ ہونے پروزیرتوانائی کو مبارک باد

اسلام آباد: وزیراعظم عمران خان نے بجلی چوری اور اس کی فراہمی میں موجود رکاوٹیں دور کرنے پر وزیرتوانائی عمر ایوب اور سیکریٹری عرفان علی کو مبارک باد دی۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ رمضان المبارک میں لوڈشیڈنگ نہ ہونے پرعمرایوب اورسیکریٹری عرفان علی کو مبارک باد دینا چاہتا ہوں۔

وزیراعظم نے کہا کہ وزیر توانائی عمر ایوب اور سیکریٹری عرفان علی نے بجلی چوری کے خاتمے کے لیے بہت کام کیا، بجلی کی ترسیل میں رکاوٹوں کو بھی دورکیا گیا۔

وزیراعظم عمران خان نے کہا کہ دونوں کی کاوشوں سے پاکستانیوں نے لوڈشیڈنگ سے آزاد پہلا رمضان گزارا۔

ملک بھرمیں عید الفطرمذہبی جوش وجذبے سے منائی جا رہی ہے

واضح رہے کہ وزیراعظم پاکستان نے عیدالفطر کی نماز اسلام آباد میں بنی گالہ میں قائم مسجد میں ادا کی۔ سیکیورٹی اسٹاف اور دیگر ملازمین نے بھی وزیراعظم کے ساتھ نماز ادا کی۔

Comments

comments

یہ بھی پڑھیں