وفاقی کابینہ میں کراچی کو نمائندگی دینے کا فیصلہ، عامرلیاقت، علی زیدی اور فیصل واوڈا دوڑ میں شامل
The news is by your side.

Advertisement

وفاقی کابینہ میں کراچی کو نمائندگی دینے کا فیصلہ، عامرلیاقت، علی زیدی اور فیصل واوڈا دوڑ میں شامل

اسلام آباد: وزیراعظم عمران خان نے وفاقی کابینہ میں کراچی کو نمائندگی دینے کا فیصلہ کیا ہے، عامرلیاقت، علی زیدی اور فیصل واوڈا وزارت کی دوڑ میں شامل ہیں۔

تفصیلات کے مطابق وزیراعظم عمران خان کی جانب سے وفاقی کابینہ میں کراچی کو نمائندگی دینے کا فیصلہ کیا گیا، کراچی سے مزید 2 وفاقی وزرا اور ایک وزیر مملکت بنایا جائے گا۔

رکن قومی اسمبلی عامر لیاقت کو وزیر بنائے جانے کا امکان ہے جبکہ علی زیدی اور فیصل واوڈا بھی وزارت کی دوڑ میں شامل ہیں جبکہ آفتاب جہانگیر کو وزیرمملکت بنائے جانے کی تجویز زیر غور ہیں۔

گذشتہ روز وزیر اعظم عمران خان نے وفاقی کابینہ میں توسیع کا فیصلہ کیا تھا ، جو صدارتی انتخاب کے بعد کیاجائے گا، ذرائع کا کہنا تھا کہ پہلے مرحلے میں وفاقی وزرا کے حلف اٹھانے کے بعد اب دوسرے مرحلے میں 8 سے 10 وزرا حلف اٹھائیں گے۔

مزید پڑھیں : وفاقی کابینہ میں توسیع کا فیصلہ

ذرائع کے مطابق اعظم سواتی کو وفاقی وزیر سائنس اور ٹیکنالوجی بنائے جانے کا امکان جبکہ علی امین گنڈا پور اور علی زیدی کو بھی کابینہ میں شامل کیا جائے گا۔

یاد رہے دو روز قبل پی ٹی آئی کے ممبر قومی اسمبلی عامر لیاقت نے گورنرہاؤس میں عشائیے پر نہ بلانے کا شکوہ ٹوئٹر پر کیا تھا، جس کے بعد پارٹی اور عامر لیاقت کے درمیان اختلافات شدت اختیار کرگئے تھے اور انھوں نے کراچی ایم پی ایز اورایم این ایزکا وٹس ایپ گروپ چھوڑ دیا تھا۔

عامر لیاقت کے بعد ممبر قومی اسمبلی آفتاب جہانگیر نے بھی آڈیو پیغام میں پارٹی سے ناراضی کا اظہار کرتے ہوئے کہا تھا کہ ہم بھی کراچی سے منتخب ہوئےہیں، افسوس ہے ہمیں نظرانداز کیا جارہا ہے۔

Comments

comments

یہ بھی پڑھیں