The news is by your side.

Advertisement

وزیراعظم کی اراکین اسمبلی کو بلدیاتی انتخابات کی تیاریوں کی ہدایت

لاہور:وزیراعظم عمران خان نے اراکین اسمبلی کو بلدیاتی انتخابات کی تیاریوں کی ہدایت کر دی۔

تفصیلات کے مطابق وزیراعظم عمران خان سے اراکین اسمبلی نے ملاقات کی اور اپنے حلقوں کے حوالے سے مسائل سامنے رکھے۔اس موقع پر چیف سیکرٹری اور آئی جی پنجاب بھی موجود تھے۔

وزیراعظم پاکستان نے آئی جی پنجاب،چیف سیکریٹری کے جائز مسائل حل کرنے کی ہدایت کرتے ہوئے کہا کہ اراکین اسمبلی کے میرٹ پر کام کیے جائیں۔

وزیراعظم عمران خان نے اراکین اسمبلی کو بلدیاتی انتخابات کی تیاریوں کی بھی ہدایت کر دی۔

وزیراعظم عمران خان سے وزیراعلیٰ پنجاب کی ون آن ون ملاقات

اس سے قبل وزیراعظم عمران خان اور وزیراعلیٰ پنجاب سردار عثمان بزدار کی ون آن ون ملاقات ہوئی جس میں وزیراعظم نے وزیراعلیٰ پنجاب کی کارکردگی پر اطمینان کا اظہار کیا۔

وزیراعظم نے وزیراعلیٰ پنجاب کو پورے اعتماد کے ساتھ کھل کر کام کرنے کی ہدایت کرتے ہوئے عوام کی فلاح کے لیے تمام وسائل بروئے کار لانے کی ہدایت کی۔

Comments

یہ بھی پڑھیں