The news is by your side.

Advertisement

وطن کو جلد مشکلات سے نکال لیں گے: وزیر اعظم کا عید کے موقع پر خصوصی پیغام

اسلام آباد: وزیر  اعظم عمران نے تمام پاکستانیوں کو عیدالفطرکی مبارک باد دیتے ہوئے امید ظاہر کی ہے کہ حکومت بہت جلد وطن عزیز کو معاشی اور معاشرتی مشکلات سے نکال لے گی.

تفصیلات کے مطابق شوال کا چاند نظر آگیا ہے، کل پورے ملک میں عید الفطر مذہبی عقیدت اور جوش و جذبے سے منائی جائے گی.

اس موقع پر وزیر اعظم پاکستان نے اپنے خصوصی بیان میں کہا کہ خدا کا شکراداکرتا ہوں کہ اس نے ہمیں خوشیوں بھرا یہ دن عطا کیا.

وزیراعظم نے کہا کہ اس دن کامقصد مسلمانو ں میں اتحاد، اخوت، سخاوت کوفروغ دینا ہے، ضرورت مند عزیز و اقارب کو بھی عیدکی خوشیوں میں شریک کریں، بخل، حسد،لالچ اور نفرت جیسے منفی رجحانات پرقابو پا کرسخاوت کو فروغ دیں.

مزید پڑھیں: افواج پاکستان کی جانب سے اہل وطن کوعید مبارک

وزیراعظم نے کہا کہ حکومت نے ترقی وخوش حالی کے لیے صحیح سمت میں سفرکا آغاز کر دیا ہے، بہت جلد وطن عزیز کو معاشی ومعاشرتی مشکلات سے نکالیں گے، ریاست مدینہ کی طرزپرفلاحی ریاست میں ڈھالنےمیں کامیاب ہوں گے.

انھوں نے کہا کہ حکومت حقیقی فلاحی ریاست کے لیے ذمہ دارانہ کردارادا کرتی رہے گی، آپ کی محنت یقینی طورپراس مقصد کےحصول کے لیے معاون ہوگی.

Comments

comments

یہ بھی پڑھیں