The news is by your side.

Advertisement

وزیراعظم کا نیوکلیئر فیسلیٹی کا دورہ، جوہری صلاحیتوں پر اظہار اطمینان

اسلام آباد: وزیراعظم عمران خان نے نیشنل کمانڈ اتھارٹی کی نیوکلیئر فیسلیٹی کا دورہ کیا اور جوہری صلاحیتوں پر اطمینان کا اظہار کیا۔

اے آر وائی نیوز کے مطابق وزیراعظم عمران خان نے نیشنل کمانڈ اتھارٹی کی نیوکلیئر فیسلیٹی کا دورہ کیا اس موقع پر چیئرمین جوائنٹ چیفس آف اسٹاف کمیٹی جنرل ندیم رضا نے ان کا استقبال کیا، ڈی جی اسٹریٹجک پلانز ڈویژن لیفٹیننٹ جنرل ندیم ذکی منج بھی موجود تھے۔

وزیراعظم کو اسٹریٹیجک پروگرام کے مختلف پہلوؤں پر بریفنگ دی گئی، عمران خان نے ملکی اسٹریٹیجک پروگرام کے مختلف پہلوؤں کو سراہا۔

انہوں نے سائنس دانوں اور اعلیٰ حکام کی کاوشوں کی تعریف کی اور ملکی جوہری صلاحیتوں پر مکمل اطمینان کا اظہار کیا۔

مزید پڑھیں: یومِ تکبیر : پاک فوج کا مملکت خداداد کو جوہری طاقت بنانے والوں کو سلام پیش

یاد رہے کہ گزشتہ روز یوم تکبیر منایا گیا تھا، 23 برس قبل ایٹمی دھماکوں کے بعد پاکستان نے مسلم دنیا کی پہلی اور دنیا کی ساتویں ایٹمی طاقت بننے کا اعزاز حاصل کیا تھا۔

ایٹمی دھماکے اس لیے کیے گئے کہ گیارہ مئی انیس سو اٹھانوے کو پوکھران میں تین بم دھماکے کرکے بھارت نے خطے کی سلامتی کو خطرے میں ڈال دیا تھا۔

ڈی جی آئی ایس پی آر میجر جنرل بابر افتخار کا کہنا تھا کہ پاکستان نے 23 سال قبل خطےمیں طاقت کاتوازن بحال کرتے ہوئے جوہری طاقت کا مظاہرہ کیاتھا، مسلح افواج اور قوم اس خواب کو حقیقت بنانے والوں کوسلام پیش کرتی ہے۔

Comments

یہ بھی پڑھیں