تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

وزیراعظم نے قومی کرکٹ ٹیم کو دورہ انگلینڈ کی اجازت دے دی

لاہور: وزیراعظم عمران خان نے قومی کرکٹ ٹیم کو دورہ انگلینڈ کی اجازت دے دی۔

اے آر وائی نیوز کی رپورٹ کے مطابق وزیراعظم نے قومی کرکٹ ٹیم کو دورہ انگلینڈ کی اجازت دے دی، عمران خان کا کہنا ہے کہ کھیل کے میدان جلد سے جلد آباد دیکھنا چاہتے ہیں۔

ذرائع کے مطابق وزیراعظم نے کہا کہ کھلاڑی میدان میں ایکشن میں ہوں گے تو کھیل کی بہتری ہوگی، دورہ انگلینڈ میں کھلاڑیوں کے تحفظ کو یقینی بنایا جائے۔

وزیراعظم نے چیئرمین پی سی بی احسان مانی کے اقدامات پر اعتماد کا اظہار کیا اور چیئرمین پی سی بی کو کرکٹ کی بہتری کے لیے اقدامات جاری رکھنے کی ہدایت کی۔

واضح رہے کہ اس سے قبل وزیراعظم نے چیئرمین پی سی بی احسان مانی سے ملاقات کی تھی جس میں قومی کرکٹ ٹیم کے دورہ انگلینڈ پر مشاورت کی گئی تھی۔

مزید پڑھیں:  وزیراعظم عمران خان سے چیئرمین پی سی بی کی ملاقات

پاکستان اور انگلینڈ کے درمیان پہلا ٹیسٹ میچ 5 اگست کو مانچسٹر میں کھیلا جائے گا، قومی ٹیم دوسرا، تیسرا ٹیسٹ اور ٹی ٹوینٹی سیریز ساؤتھمپٹن میں کھیلے گی۔

دونوں ٹیموں کے درمیان ٹی ٹوینٹی سیریز 28 اگست سے یکم ستمبر تک کھیلی جائے گی۔

یاد رہے کہ تین روز قبل پاکستان نے دورہ انگلینڈ کے لیے 29 رکنی اسکواڈ کا اعلان کیا تھا جس میں فواد عالم اور سرفراز احمد کے ساتھ ساتھ نوجوان حیدر علی کو بھی شامل کیا گیا ہے۔

قومی ٹیم کے چیف سلیکٹر اور ہیڈ کوچ مصباح الحق کا کہنا تھا کہ سلیکٹرز نے ایک ایسے اسکواڈ کا انتخاب کیا ہے جس سے انگلینڈ میں طویل اور محدود دونوں طرز کی کرکٹ میں بہتر کارکردگی کی توقع ہے۔

Comments

- Advertisement -