اسلام آباد: وزیراعظم عمران خان نے صادق آباد ٹرین حادثے پر اظہار افسوس کیا اور زخمیوں کی جلد صحت یابی کے لیے دعاگو ہوں۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے صادق آباد ٹرین حادثے پر افسوس کا اظہار کرتے ہوئے کہا کہ میری ہمدردیاں متاثرہ خاندانوں کے ساتھ ہیں، زخمیوں کی جلد صحت یابی کے لیے دعاگو ہوں۔
وزیراعظم پاکستان نے کہا کہ کئی عشروں سے ریلوے کے انفراسٹرکچرکونظراندازکیا گیا۔ انہوں نے انفرااسٹرکچربہترکرنے اور سیفٹی اسٹینڈرڈ یقینی بنانے کی ہدایت کی ہے۔
Saddened to learn of train accident in Sadiqabad. My condolences to the victims families and prayers for the speedy recovery of the injured. Have asked Railways Minister to take emergency steps to counter decades of neglect of railway infrastructure & ensure safety standards.
— Imran Khan (@ImranKhanPTI) July 11, 2019
صادق آباد : اکبرایکسپریس اور مال گاڑی میں تصادم، 10 افراد جاں بحق
واضح رہے کہ آج صبح ولہار پھاٹک کے قریب مسافر ٹرین اکبرایکسپریس اور مال گاڑی میں تصادم کے نتیجے میں 10 افراد جاں بحق جبکہ 32 زخمی ہوئے۔
اکبرایکسپریس حادثے کے بعد ٹرین آپریشن معطل ہے، بزنس ایکسپریس، کراچی ایکسپریس کو مختلف اسٹیشنزپرروک لیا گیا، گرین لائن، رحمان بابا ٹرین کا سفر بھی تعطل کا شکار ہے۔
