اسلام آباد: وزیراعظم عمران خان کی زیرصدارت وفاقی کابینہ کا اجلاس جاری ہے جس میں وزیرخزانہ اسد عمر اخراجات میں کمی سے متعلق بریفنگ دیں گے۔
تفصیلات کے مطابق وزیراعظم عمران خان کی زیرصدارت وزیراعظم آفس میں وفاقی کابینہ کا اجلاس شروع ہوگیا۔ اجلاس میں وفاقی کابینہ نے وزارت داخلہ کو حسن داوڑاورعلی وزیرکے نام ای سی ایل سے ہٹانے کی ہدایت کردی۔
وزیراعظم کی زیرصدارت اجلاس میں وفاقی وزیرخزانہ اسد عمر اخراجات میں کمی سے متعلق بریفنگ دیں گے۔
اجلاس میں وفاقی کابینہ کو سرمایہ کار کمپنیوں سے متعلق بریفنگ دی جائے گی اور اس کے علاوہ ماسٹر پلان پرنظرثانی کے لیے فیڈرل کمیشن کا قیام بھی ایجنڈے کا حصہ ہے۔
وفاقی کابینہ کے اجلاس میں ادویات کی قیمتوں کی زیادہ سے زیادہ حد مقرر کرنے کی منظوری متوقع ہے۔
وزیراعظم عمران خان کی زیرصدارت اجلاس میں وفاقی کابینہ مقامی حکومتوں کے بورڈ کے قیام اور مہاجرین کی واپسی کے لیے پاک افغان لائحہ عمل پرغور کرے گی۔
