The news is by your side.

Advertisement

کرپشن پر قابو نہیں پائیں گے تو باہر سے سرمایہ کاری نہیں آئے گی، وزیراعظم

حب: وزیراعظم عمران خان نے کہا ہے کہ جب تک کرپشن پر قابو نہیں پاتے تب تک باہر سے سرمایہ کاری نہیں آتی ہے، تھر میں 185 ارب ٹن کا کوئلہ موجود ہے، تھر کے کوئلے سے 100 سال تک بجلی دے سکتے ہیں۔

تفصیلات کے مطابق وزیراعظم عمران خان نے 1320 میگاواٹ چائنہ حب پاور جنریشن پلانٹ کا افتتاح کردیا، عمران خان نے کہا کہ منصوبے کے لیے 20 فیصد کوئلہ تھر سے لانے کی گزارش کرتا ہوں، یہ سی پیک کا پہلا جوائنٹ منصوبہ ہے افتتاح پر خوش ہوں۔

عمران خان نے کہا کہ بلوچستان قدرتی وسائل سے مالا مال ہے، بلوچستان میں سونے اور تانبے کے ذخائر دنیا میں سب سے بہتر ہیں، ریکوڈک میں باہر سے بڑی کمپنیاں کام کرنے آئی تھیں، کمپنیوں نے باہر جاکر پاکستان کے خلاف مقدمہ جیت لیا، 6 ارب ڈالر کا جرمانہ ہوا۔

وزیراعظم نے کہا کہ چین کی متعدد کمپنیاں پاکستان میں سرمایہ کاری کی خواہاں ہیں، سی پیک کے تحت مشترکہ منصوبے خوش آئند ہیں، پاکستان میں پانی سے بجلی بنانے کے مواقع ہیں۔

انہوں نے کہا کہ ڈالر مہنگا ہونے سے بجلی کی قیمتوں میں بھی اضافہ ہوا، ڈالر مہنگا ہوتا ہے تو بجلی کی قیمتیں بڑھ جاتی ہیں، ماضی میں گیس سے بجلی بنانے کے منصوبوں پر کام نہیں ہوا۔

مزید پڑھیں: وزیراعظم سے اہم ملاقات، ایم کیوایم نے فواد چوہدری کے بیان پر تحفظات سامنے رکھ دیے

عمران خان نے کہا کہ کراچی کو پانی کی بہت ضرورت ہے، حکومتی ادارے پیسے بنانے کے لیے پراجیکٹ میں تاخیر کرتے ہیں، حکومت نے کاروباری افراد کے لیے آسانی پیدا کرنے کی کوشش کی ہے۔

وزیراعظم کا کہنا تھا کہ ہمیں پاکستان کے مستقبل کے لیے صاف اور شفاف گورننس دینی ہے، سی پیک کی بدولت آنے والا دور ہمارے لیے سب سے بڑے مواقع ہیں، پاکستان کو جغرافیائی لحاظ سے بہت اہمیت حاصل ہے۔

انہوں نے کہا کہ ماضی میں چھوٹے سے ٹولے نے اپنی تجوریاں بھرنے کے لیے ملک کو نقصان پہنچایا، سی پیک کے ذریعے پاکستان آگے بڑھ رہا ہے، چین کے زرعی تجربات سے استفادہ کرنا چاہتے ہیں۔

وزیراعظم نے کہا کہ چین کے تعاون سے پاکستان میں جدید ٹیکنالوجی کے مراکز کھول رہے ہیں، اپنے وسائل سے بجلی پیدا کرنے سے آسانیاں پیدا ہوں گی۔

Comments

comments

یہ بھی پڑھیں