The news is by your side.

Advertisement

وزیرِ اعظم کا صوبوں کے درمیان گیس فراہمی کا تنازع حل کرنے کا فیصلہ

اسلام آباد: وفاق نے صوبوں کے درمیان گیس فراہمی کا تنازع حل کرنے کا فیصلہ کر لیا ہے، وزیرِ اعظم نے نئی قومی انرجی پالیسی مرتب کرنے کی ہدایت کر دی۔

تفصیلات کے مطابق صوبوں کے درمیان توانائی کی تقسیم کا معاملہ وفاق نے حل کرنے کا فیصلہ کر لیا ہے، اس سلسلے میں وزیرِ اعظم عمران خان نے ایک قومی انرجی پالیسی کی تشکیل کی بھی ہدایت کر دی ہے۔

صوبوں کے درمیان انرجی کی منصفانہ تقسیم کو یقینی بنایا جائے گا۔

ذرائع کا کہنا ہے کہ وزیرِ اعظم کی جانب سے توانائی اور پیٹرولیم وزرا کو مارچ تک نئی پالیسی بنانے کا ٹاسک سونپ دیا گیا ہے۔

وزیرِ اعظم نے ہدایت کی ہے کہ وفاقی وزرا صوبوں کے ساتھ مل کر ایک جامع پالیسی مرتب کریں، ذرائع نے کہا ہے کہ وفاقی وزرا کو صوبائی وزرائے اعلیٰ سے بھی سفارشات لینے کی ہدایت کی گئی ہے۔

ذرائع کا یہ بھی کہنا ہے کہ وزیرِ اعظم عمران خان نے حکم دیا ہے کہ سفارشات کا جائزہ لے کر مارچ تک قومی انرجی پالیسی لانچ کر دی جائے۔

یہ بھی پڑھیں:  60 میگاواٹ سے توانائی کاسفرشروع کرنے والا پاکستان آج کہاں کھڑا ہے

ذرائع کے مطابق انرجی پالیسی میں گیس اور تیل کے نئے ذخائر کی تلاش کا پلان بھی شامل ہوگا۔

انرجی پالیسی کے تحت صوبوں کے درمیان انرجی کی منصفانہ تقسیم کو یقینی بنایا جائے گا، ملک کو درپیش توانائی بحران سے نمٹنے کا جامع پلان بھی پالیسی کا حصہ ہوگا۔

Comments

comments

یہ بھی پڑھیں