ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا: وزیراعظم -
The news is by your side.

Advertisement

ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا: وزیراعظم

اسلام آباد: وزیراعظم عمران خان نے کہا ہے کہ ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا.

ان خیالات کا اظہارا نھوں نے شہید ایس پی طاہر داوڑکے اہل خانہ سے ملاقات کے موقع پر کیا، وزیرمملکت شہریارآفریدی، معاون خصوصی افتخاردرانی، آئی جی کے پی بھی اس موقع پر موجود تھے.

وزیراعظم عمران خان نے کہا کہ طاہر داوڑ کی فرض شناسی، بہادری پولیس کے لئے باعث افتخار ہے، ان کے قتل سے پولیس فرض شناس افسرسے محروم ہوگئی.

وزیراعظم عمران خان نے ایس پی طاہرداوڑ شہید کےغم زدہ خاندان سے اظہارہمدردی کرتے ہوئے ان کے ایصال ثواب اور درجات کی بلندی کے لئےدعا کی.

وزیراعظم عمران خان نے ایس پی طاہرداوڑ کےخاندان کوہرممکن تعاون کی یقین دہانی کروائی.

یاد رہے کہ ایس پی طاہر داوڑ کو اسلام آباد سے اغوا کیا گیا تھا، بعد ازاں افغانستان سے ان کی تشدد زدہ لاش ملی. ان کی میت کی حوالگی کے موقع پر افغان حکام نے انتہائی منفی اور غیرسفارتی رویہ اختیار کیا.

واضح رہے کہ ایس پی طاہر داوڑ کے اغوا اور قتل کی تحقیقات کے لیے سات رکنی جے آئی تشکیل دے دی گئی ہے، جس کے ایس پی انویسٹی گیشن سربراہ ہوں گے، جے آئی ٹی میں آئی ایس آئی، آئی بی اور ایم آئی کے نمائندے شامل ہیں۔

Comments

comments

یہ بھی پڑھیں