The news is by your side.

Advertisement

وزیراعظم عمران خان کی اطالوی ہم منصب کو دورہ پاکستان کی دعوت

اسلام آباد: وزیراعظم عمران خان نے کہا ہے کہ ترقی یافتہ ممالک دنیا کے تعاون کے بغیر اقتصادی بحران سے نہیں نمٹ سکتے۔

تفصیلات کے مطابق وزیراعظم عمران خان اور اطالوی ہم منصب کے درمیان ٹیلیفونک رابطہ ہوا، جس میں دونوں رہنماؤں کے درمیان کرونا وبا سمیت مختلف معاملات پرگفتگو کی گئی۔ وزیراعظم نے اٹلی میں کرونا کے باعث ہونے والی اموات پر افسوس کا اظہار کیا۔

وزیراعظم نے اطالوی وزیراعظم کو پاکستان میں انسداد کرونا اقدامات اور مقبوضہ کشمیر میں بھارتی فوج کے کریک ڈاؤن پر خدشات سے آگاہ کیا۔

عمران خان کا کہنا تھا کہ کشمیرکی حیثیت تبدیل کرنا یو این قراردادوں،جنیوا کنونشن کی خلاف ورزی ہے،مودی حکومت کی پالیسیاں خطے کے امن کے لیے خطرہ ہیں،کرونا کے دوران بھارت میں مسلمانوں کے ساتھ سلوک پر دنیا آواز اٹھائے۔

وزیراعظم نے اطالوی ہم منصب کودورہ پاکستان کی دعوت بھی دی۔انہوں نے کہا کہ ہمیں کرونا سے صحت،سماجی واقتصادی اثرات کے دہرےچیلنج کا سامناہے، ترقی پذیرممالک کے لیے قرضوں میں نرمی کا عالمی پروگرام ناگزیر ہے۔

وزیراعظم پاکستان نے سماجی واقتصادی ترقی کے لیے اٹلی کے تعاون پر شکریہ ادا کرتے ہوئے کہا کہ ترقی یافتہ ممالک دنیا کےتعاون کے بغیر اقتصادی بحران سے نہیں نمٹ سکتے۔

fb-share-icon0
Tweet 20

Comments

comments

یہ بھی پڑھیں