اسلام آباد : پی ٹی آئی کے سینیٹر فیصل جاوید نے کہا ہے کہ ملک کے مختلف شہروں میں کامیاب جلسوں کے انعقاد کے بعد آج وزیراعظم عمران خان کمالیہ میں جلسہ عام سے خطاب کریں گے۔
سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ یہ ایک حقیقت ہے کہ آج جو اپوزیشن جماعتوں نے ہمارے لیے کردیا، اس پر ہم انہیں خراج تحسین پیش کرتے ہیں۔
فیصل جاوید نے اپنے ٹوئٹ میں کہا کہ ایسی مقبولیت پہلے کبھی نہیں دیکھی، جو عمران خان کی آج ہے، قوم نے فیصلہ کرلیا ہے کہ وہ حق کے ساتھ ہے۔
سینیٹر فیصل جاوید نے کہا کہ اب جو بھی ہو، جیت پاکستان کی ہے، جیت عمران خان کی ہے، اب کمالیہ کی باری ہے!آئیےمل کراپوزیشن کو عدم اعتماد لانے پرشکریہ بولیں۔
پی ٹی آئی کے رہنما کا کہنا تھا کہ منڈی بہاءالدین، میلسی، دیر، حافظ آباد، سوات، درگئی اور مانسہرہ میں کامیاب جلسے کرنے کے بعد آج وزیراعظم عمران خان کمالیہ میں جلسہ عام سے خطاب کریں گے۔
اپنبے ٹوئٹر پیغام میں سینیٹر فیصل جاوید نے مزید کہا کہ وزیراعظم عمران خان کا ٹرمپ کارڈ جلد سامنے آنے والا ہے، انشاء اللہ۔
