The news is by your side.

Advertisement

وزیر اعظم عمران خان 28 فروری کو غربت مکاؤ پروگرام کا آغاز کریں گے

اسلام آباد: وزیر اعظم عمران خان 28 فروری کوغربت مکاؤ پروگرام کا آغاز کریں گے، وزارت خزانہ اور دیگر اداروں نے کام مکمل کرلیا ہے ، وزیراعظم غربت کے خاتمے کیلئے حکومتی اقدامات پربات کریں گے۔

تفصیلات کے مطابق وفاقی حکومت نے غربت مکاؤ پروگرام شروع کرنے کا فیصلہ کرلیا ہے ، وزیر اعظم عمران خان28 فروری کوپروگرام کاآغازکریں گے، پروگرام کا آغاز وزیراعظم آفس میں تقریب سےکیا جائے گا۔

وزارت خزانہ اور دیگر اداروں نےکام مکمل کرلیا، تقریب میں وزیر اعظم غربت کے خاتمے کیلئے حکومتی اقدامات پربات کریں گے۔

یاد رہے چند روز قبل وزیراعظم عمران خان نے صحت انصاف کارڈ کے پہلے مرحلے کے آغاز کی تقریب سے خطاب میں کہا تھا کہ ملکی تاریخ میں پہلی بارغربت میں کمی کا پروگرام لارہےہیں، ہماری ہرپالیسی کامحورغربت ختم کرنا ہوگا چاہے جو بھی پالیسی ہو۔

مزید پڑھیں : ملکی تاریخ میں پہلی بارغربت میں کمی کا پروگرام لارہے ہیں، وزیراعظم عمران خان

خیال رہے 5 نومبر کو وزیرِ اعظم عمران خان نے چینی شہر شنگھائی میں ’پاکستان میں سرمایہ کاری اور تجارت‘ کے موضوع پر سیمینار سے خطاب کرتے ہوئے کہا تھا کہ چین نے جو کچھ 70 سال میں حاصل کیا کوئی اور ملک حاصل نہیں کر سکا، چین نے 30 سال میں 70 کروڑ لوگوں کو غربت سے نکالا۔

وزیرِ اعظم نے اپنے خطاب میں غربت کے خاتمے کے لیے ہر ممکن اقدام کرنے کا عندیہ دیتے ہوئے کہا تھا کہ ہم پاکستان میں غربت کے خاتمے کے لیے بڑا پیکج لا رہے ہیں، انسانی وسائل کی ترقی اور استعداد کار میں اضافے کے لیے اقدامات کیے جائیں گے، کیوں کہ ہمیں ہنر مند افرادی قوت کی ضرورت ہے۔

Comments

comments

یہ بھی پڑھیں