The news is by your side.

Advertisement

سیاسی بد انتظامیوں کے باعث کراچی کے حالات بد ترین ہوئے، وزیراعظم

اسلام آباد : وزیراعظم عمران خان کا کہنا ہے کہ سیاسی بد انتظامیوں کے باعث کراچی کے حالات بد ترین ہوئے، وفاق کراچی کے مسائل کے حل کیلئے مالی وسائل فراہم کرے گا۔

تفصیلات کے مطابق وزیراعظم عمران خان سے مشیر پارلیمانی امور بابر اعوان کی ملاقات ہوئی ، ملاقات میں ملکی تازہ سیاسی صورت حال اور قانونی امور پر مشاورت کی گئی اور کراچی ٹرانسفارمیشن پیکج سمیت پارلیمانی معاملات پر گفتگو ہوئی۔

وزیراعظم نے کہا کہ سیاسی بد انتظامیوں کے باعث کراچی کے حالات بد ترین ہوئے، کراچی کی ترقی وفاقی حکومت کے ایجنڈے میں شامل ہے، وفاق کراچی کے مسائل کے حل کیلئے مالی وسائل فراہم کرے گا، ٹرانسفارمیشن پیکج کے تحت منصوبوں پر جلدعملدرآمد ضروری ہے۔

ملاقات کے دوران ایف اےٹی ایف سےمتعلق قانون سازی پر بھی گفتگو ہوئی ، وزیراعظم نے ایک بار پھر قانون سازی کاعمل جلدمکمل کرنے کے عزم کا اظہار کیا۔

بابر اعوان نے قومی اسمبلی اور سینیٹ اجلاس سے متعلق آگاہ کرتے ہوئے کہا ملکی سلامتی سےمتعلق قانون سازی میں تاخیرنہیں ہونے دیں گے، کراچی کےلیےایک ہزار113ارب کے پیکج کا اعلان خوش آئند ہے، وفاقی حکومت نے معاشی حب کی بہتری کیلئے بروقت قدم اٹھایا۔

گذشتہ روز وزیر اعظم عمران خان نے مشیر پارلیمانی امور بابر اعوان سے رابطہ کر کے فیٹف قوانین کی منظوری سے متعلق اہم امور پر مشاورت کی تھی۔

دونوں رہنماؤں میں سیلاب کی صورت حال اور ممبران پارلیمنٹ کی مصروفیات پر بھی گفتگو ہوئی اور کہا گیا تھا کہ متعدد ارکان سیلاب زدگان کے لیے ریلیف اقدامات میں مصروف ہیں، اس لیے قومی اسمبلی اور سینیٹ کا اجلاس ایک ہفتے کے لیے ملتوی کیا جائے۔

بعد ازاں وزیر اعظم عمران خان نے قومی اسمبلی اور سینیٹ کا اجلاس ایک ہفتے کے لیے ملتوی کر دیا تھا۔

Comments

یہ بھی پڑھیں