تازہ ترین

وزیراعظم عمران خان چینی کمپنیوں کے سربراہان سے ملاقاتیں، اعلامیہ جاری

بینجگ : وزیراعظم عمران خان نے چینی سرمایہ کاروں کے وفد سے ملاقات میں کہا ہے کہ بیرونی صنعتوں کی منتقلی اور حاصل شدہ ٹیکس سے ملکی معیشت میں بہتری آئے گی۔

یہ بات انہوں نے چینی سرمایہ کاروں اور کارپوریٹ سیکٹر کے نمائندگان سے ملاقات کے موقع پر کہی۔ حکومتی اعلامیہ کے مطابق وفد سے وسیع البنیادبات چیت ہوئی۔

وزیر اعظم نے چین کی بڑی کمپنیوں کے سربراہان سے بھی ملاقاتیں کیں، وزیراعظم نے وفد کو چینی صنعت پاکستان میں منتقل کرنے کیلئے مراعات کی یقین دہانی کرائی۔

وزیراعظم مختلف شعبوں میں کام کرنے والی کمپنیوں کے سربراہان سے بھی ملے، ملاقات کرنے والوں نے پاکستان میں جاری منصوبوں سے وزیر اعظم کو آگاہ کیا۔

اعلامیہ میں مزید کہا گیا ہے کہ کمپنی کے سربراہوں نے نئےمنصوبے شروع کرنے کی تجاویز سے بھی آگاہ کیا، یہ تجاویز تیل، گیس، توانائی، تعمیرات، ٹائروں کی تیاری اور قیمتی دھاتوں سے بھی متعلق ہیں۔

چینی کمپنیوں کے سربراہان نے وزیر اعظم کو ٹیکسٹائل و انڈسٹریل پارک ماحول دوست توانائی منصوبوں سے بھی آگاہ کیا۔

اس موقع پر وزیراعظم عمران خان کا کہنا تھا کہ ایسے اقدامات سے روزگار کے مواقع پیدا ہوں گے، بیرونی صنعتوں کی منتقلی سے حاصل شدہ ٹیکس سے ملکی معیشت میں بہتری آئے گی۔

مزید پڑھیں : پاک چین وزرائے اعظم ملاقات، چین کا پاکستان کے اہم مسائل پر تعاون کے عزم کا اعادہ

قبل ازیں پاکستان اور چین میں وفود کے سطح پر مذاکرات ہوئے، پاکستانی وفد کی قیادت وزیر اعظم عمران خان نے کی، آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل فیض حمید نے بھی مذاکرات میں شرکت کی۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔