کسی دباؤ میں نہیں آؤں گا آخر تک جاؤں گا،وزیراعظم عمران خان
The news is by your side.

Advertisement

کسی دباؤ میں نہیں آؤں گا، آخر تک جاؤں گا،وزیراعظم عمران خان

عوام پرپہلےہی بہت بوجھ ہےمزیدنہیں ڈالنا چاہتے

اسلام آباد : وزیراعظم عمران خان نے کہا کہ کسی دباؤمیں نہیں آؤں گاآخرتک جاؤں گا، شہبازشریف نیلسن منڈیلابننےکی کوشش کررہےتھے، اتنے ثبوت موجودہیں کہ مجرم بچ نہیں سکتے۔

تفصیلات کے مطابق وزیراعظم عمران خان سے سینئر صحافیوں اور اینکر پرسنز نے ملاقات کی ، ملاقات میں اہم قومی امورپر تبادلہ خیال کیا گیا۔

اس موقع پر عمران خان نے کہا کسی دباؤ میں نہیں آؤں گا آخر تک جاؤں گا، اپوزیشن اپنی جائیدادیں بچانے کیلئے متحد ہوئی ہے، موجودہ اپوزیشن حقیقی اپوزیشن نہیں ہے۔

وزیراعظم کا کہنا تھا کہ شہبازشریف نیلسن منڈیلابننےکی کوشش کررہےتھے، اتنےثبوت موجودہیں کہ مجرم بچ نہیں سکتے، عوام پرپہلےہی بہت بوجھ ہےمزیدنہیں ڈالنا چاہتے، ہم چاہتے ہیں عوام پر کم سے کم بوجھ پڑے۔

انھوں نے مزید کہا کہ  مجھے پیغام بھجوایا گیا کہ پیسے لے لیں اور شریفوں کوچھوڑدیں، مگر نہ تو کوئی این آراو ہوگا، نہ ہی کسی دباؤ میں آئیں گے۔

مزید پڑھیں : میڈیا حکومت کو تین ماہ کا وقت دے: وزیراعظم کی صحافیوں سے گفتگو

اس سے قبل 31 اگست کو وزیراعظم نے سینئر صحافیوں کے وفد سے ملاقات میں کہا تھا کہ نقید ضرور کریں، گھبراتا نہیں مسائل حل کرنے میں مدد ملتی ہے، میڈیا حکومت کو تین ماہ کا وقت دے، پھرکھل کر تنقید کرے، تین ماہ میں گڈگورننس کے معاملے میں واضح تبدیلی دیکھیں گے۔

عمران خان کے مطابق انھوں‌ نے چیئرمین نیب کو کہا ہے کہ بلاامتیاز احتساب کیا جائے، اگر حکومتی رکن کرپشن میں ملوث ہے، تو ان کے خلاف بھی کارروائی کریں. جب تک ملک میں احتساب نہیں ہوگا، ملک ترقی نہیں کرسکتا۔

Comments

comments

یہ بھی پڑھیں