عوام کو نئے پاکستان کی اسمبلی سے بہت توقعات ہیں، وزیراعظم عمران خان imran khan
The news is by your side.

Advertisement

عوام کو نئے پاکستان کی اسمبلی سے بہت توقعات ہیں، وزیراعظم عمران خان

اسلام آباد: وزیر اعظم عمران خان نے کہا ہے کہ عوام کو نئے پاکستان کی اسمبلی سے بہت توقعات ہیں۔

تفصیلات کے مطابق وزیراعظم عمران خان سے اسپیکر قومی اسمبلی اسد قیصر نے ملاقات کی، اسپیکر قومی اسمبلی نے عمران خان کو وزارت عظمیٰ کا منصب سنبھالنے اور عید کی مبارکباد دی۔

ملاقات میں وزیراعظم عمران خان نے اسمبلی اخراجات کو ممکنہ حد تک کم کرنے پر زور دیتے ہوئے کہا کہ عوام کو نئے پاکستان کی اسمبلی سے بہت توقعات ہیں۔

اسپیکر قومی اسمبلی اسد قیصر نے یقین دہانی کرائی کے عوامی مسائل کے حل اور قانون سازی کے لیے ہر ممکن اقدام کیا جائے گا۔

مزید پڑھیں: وفاقی کابینہ کا اجلاس آج طلب، وزارتِ کیڈ ختم کرنے کی منظوری دی جائے گی

واضح رہے کہ عمران خان نے وفاقی کابینہ کا اجلاس آج طلب کیا ہے جس میں وزارت کیڈ ختم کرنے کی منظوری دی جائے گی, ذرائع کا کہنا ہے کہ کیپٹل ایڈمنسٹریشن اینڈ ڈیولپمنٹ (کیڈ) کی وزارت کو ختم کر کے اس کے اداروں کو کابینہ ڈویژن کے ماتحت کر دیا جائے گا۔

ذرائع کا یہ بھی کہنا ہے کہ کیڈ کے اداروں کو مشیر برائے پارلیمانی امور بابر اعوان کے سپرد کیا جائے گا، خیال رہے کہ وزارتِ کیڈ کو پاکستان پیپلز پارٹی کے دور میں قائم کیا گیا تھا۔

وفاقی کابینہ کے اجلاس میں وزیرِ اعظم عمران خان کو ملک میں سیکورٹی انتظامات پر بھی خصوصی بریفنگ دی جائے گی۔

Comments

comments

یہ بھی پڑھیں