ایسی قانون سازی کی جائے جس سے عام آدمی کو فائدہ پہنچے، وزیراعظم عمران خان
The news is by your side.

Advertisement

ایسی قانون سازی کی جائے جس سے عام آدمی کو فائدہ پہنچے، وزیراعظم عمران خان

اسلام آباد : وزیراعظم عمران خان کا کہنا ہے کہ ہمیں عوام کی فلاح وبہبود کیلئے کام کرنا ہے، ایسی قانون سازی کی جائے جس سے عام آدمی کو فائدہ پہنچے۔

تفصیلات کے مطابق وزیراعظم عمران خان سے اسپیکر قومی اسمبلی اسد قیصرکی ملاقات ہوئی ، ملاقات میں مبینہ دھاندلی سےمتعلق پارلیمانی کمیٹی کے قیام پر تبادلہ خیال کیا گیا جبکہ نئی قانون سازی اور اسمبلی قواعد وضوابط پر بھی گفتگو ہوئی۔

ذرائع کے مطابق وزیر اعظم عمران خان نے کمیٹی کی سربراہی کیلئے وزیر دفاع پرویز خٹک کے حوالے سے اسپیکر قومی اسمبلی اسد قیصرکو آگاہ کر دیا ہے۔

اسپیکرقومی اسمبلی نے کہا کمیٹی میں حکومت اوراپوزیشن کوبرابرنمائندگی دی گئی ہے، سینیٹرز کے نام ملتے ہی کمیٹی کا اعلان کروں گا۔

ذرائع کا کہنا ہے کہ اسپیکر قومی اسمبلی نے فواد چوہدری کی تقریر سے متعلق بھی بات چیت کی۔

اسپیکرقومی اسمبلی نے کل ایوان میں ہنگامہ آرائی سےوزیراعظم کوآگاہ کیا اور کہا کہ ایوان کو بہتر چلانے کے لئے اپوزیشن کو ساتھ لیکر چلنا ضروری ہے، ایوان کا ماحول خوشگوار بنانے کیلئے سب کو ساتھ لے کر چل رہا ہوں۔

مزید پڑھیں : دھاندلی سے متعلق تحقیقاتی کمیٹی، پرویز خٹک کو سربراہی کیلئے گرین سگنل مل گیا

اس موقع پر وزیراعظم عمران خان کا کہنا تھا کہ ہمیں عوام کی فلاح وبہبود کیلئے کام کرنا ہے، ایسی قانون سازی کی جائے جس سے عام آدمی کو فائدہ پہنچے۔

خیال رہے وزیراعظم نے انتخابات میں مبینہ دھاندلی کی تحقیقات کے لئے پارلیمانی کمیٹی کی سربراہی کے لیے پرویز خٹک کو گرین سگنل دے دیا ہے، سینیٹ سے نامزدگی آتے ہی کمیٹی کی تشکیل نوٹیفکیشن جاری کردیا جائے گا۔

انتخابات میں مبینہ دھاندلی کی تحقیقاتی کمیٹی میں اراکین قومی اسمبلی اور سنیٹرز شامل ہوں گے جبکہ حکومت اور اپوزیشن کے 12، 12 اراکین بھی اس خصوصی کمیٹی کا حصہ ہوں گے۔

Comments

comments

یہ بھی پڑھیں