وزیر اعظم کی زیر صدارت اجلاس، اسمگلنگ کی روک تھام کیلئے اہم فیصلے -
The news is by your side.

Advertisement

وزیر اعظم کی زیر صدارت اجلاس، اسمگلنگ کی روک تھام کیلئے اہم فیصلے

اسلام آباد : حکومت نے اسمگلنگ کی روک تھام کیلئے قوانین کو مزید مؤثر بنانے کا فیصلہ کرلیا،  وزیر اعظم عمران خان نے  اٹارنی جنرل کی سربراہی میں کمیٹی تشکیل دے دی۔

تفصیلات کے مطابق اسلام آباد میں وزیر اعظم عمران خان کی زیر صدارت اسمگلنگ کی روک تھام سے متعلق اجلاس ہوا، اجلاس میں وزیرخزانہ اسدعمر، وزیرمملکت داخلہ، مشیر ادارہ جاتی اصلاحات ودیگر نے شرکت کی۔

اس موقع پر حوالہ ہنڈی کی روک تھام کے لئے قوانین میں ترامیم مزید مؤثر بنانے کا فیصلہ کیا گیا،وزیراعظم نے حوالہ ہنڈی کی روک تھام سے متعلق کمیٹی قائم کردی جو ایک ہفتے کے اندر سفارشات مرتب کرکے وزیراعظم کو پیش کرے گی۔

اٹارنی جنرل کی سربراہی میں قائم کمیٹی میں کسٹم، اسٹیٹ بینک، ایف بی آر اور ایف آئی اے ارکان شامل ہوں گے۔ وزیراعظم نے ہدایت کی کہ وزارت داخلہ انتظامی اقدامات پر اپنی سفارشات مرتب کرے۔

Comments

comments

یہ بھی پڑھیں