وزیراعظم سے وزیراعلیٰ پنجاب کی ملاقات، کابینہ کی تشکیل پرمشاورت
The news is by your side.

Advertisement

وزیراعظم سے وزیراعلیٰ پنجاب کی ملاقات، کابینہ کی تشکیل پرمشاورت

اسلام آباد: وزیراعظم عمران خان سے وزیراعلیٰ پنجاب عثمان بزدار نے ملاقات کی، جس میں‌ اہم امور زیر بحث آئے.

تفصیلات کے مطابق وزیراعظم اور وزیراعلیٰ کی ملاقات میں پنجاب کابینہ کی تشکیل اور متوقع وزراپرتفصیلی مشاورت کی گئی.

دونوں رہنماؤں میں وزر اکےمحکموں سےمتعلق بھی تبادلہ خیال کیا گیا، وزیراعظم نے وزیراعلیٰ پنجاب کو 100 روزہ پلان کے حوالے سے آگاہ کیا۔

اس اہم ملاقات کے بعد توقع کی جارہی ہے کہ پیر تک پنجاب کابینہ کے ناموں کوحتمی شکل دے دی جائے گی.

ملاقات میں عمران خان نے پنجاب پولیس کلچر کو تبدیل کرنے اور کفایت شعاری اپنانے پر زور دیا. اس موقع پر وزیراعلیٰ پنجاب نے عمران خان کے اعتماد پر ان کا شکریہ ادا کیا۔


وزیراعظم نے کل کابینہ اجلاس طلب کرلیا، اہم فیصلے متوقع، دفتر خارجہ کا بھی دورہ کریں گے


یاد رہے کہ عمران خان کی جانب سے وزیراعلیٰ‌ پنجاب کے نام کا اعلان خاصی تاخیر سے کیا گیا تھا.

جب تونسہ سے تعلق رکھنے والے عثمان بزدار کو وزیراعلیٰ نامزد کیا گیا، تو  فیصلے پر شدید تنقید ہوئی، البتہ عمران خان اپنے فیصلے پر قائم رہے.

وزارت اعلیٰ کے لیے عثمان بزدار کا مقابلہ مسلم لیگ ن کے حمزہ شہباز سے تھا، جنھیں‌ انھوں نے بہ آسانی شکست دے دی.

Comments

comments

یہ بھی پڑھیں