وزیراعلیٰ سندھ کی عمران خان سے ملاقات، صوبے میں نئے منصوبوں کی یقین دہانی
The news is by your side.

Advertisement

وزیراعلیٰ سندھ کی عمران خان سے ملاقات، صوبے میں نئے منصوبوں کی یقین دہانی

کراچی: وزیر اعلیٰ سندھ مراد علی شاہ نے وزیر اعظم عمران خان سے ملاقات کی، اس دوران عمران خان نے صوبے میں نئے منصوبوں کی یقین دہائی کرائی۔

تفصیلات کے مطابق ترجمان وزیر اعلیٰ سندھ کا کہنا ہے کہ مراد علی شاہ نے وزیراعظم سے 2 بجکر 20 منٹ پر تفصیلی ملاقات کی، وزیراعلیٰ سندھ نے وزیراعظم کے ساتھ دوپہر کا کھانا بھی ساتھ کھایا۔

ترجمان وزیراعلیٰ سندھ کے مطابق دوپہر کے کھانے پر گورنر سندھ عمران اسماعیل بھی موجود تھے، مراد علی شاہ نے وزیراعظم سے کہا صوبے اور وفاق مل کر کام کرسکتے ہیں، صوبے اور وفاق کو ایک دوسرے کی آئینی حیثیت اور اہمیت تسلیم کرنا ہوگی۔

ان کا کہنا تھا کہ وفاق کے فور، کراچی سرکلر ریلوے منصوبوں پر وعدہ نبھائے، ہم چاہتے ہیں وفاق بجلی اور گیس کے منصوبے سندھ میں شروع کرے۔

دوسری جانب وزیراعظم نے سندھ میں نئے منصوبوں کے لیے وزیراعلیٰ سندھ کو یقین دہانی کرائی، اس دوران وزیراعظم نے وزیراعلیٰ سندھ سے دیہی علاقوں میں امن وامان کی صورتحال معلوم کی۔

اس موقع پر وزیراعظم نے بتایا کہ ماضی میں سندھ میں قافلے میں سفر کیا تھا، وزیراعلیٰ سندھ نے کہا اب پورے صوبے میں امن وامان بہترین ہے، وزیراعظم بغیر کانوائے کے سفر کرسکتے ہیں۔

Comments

comments

یہ بھی پڑھیں