اسلام آباد: وزیراعظم عمران خان کا کہنا ہے کہ 24 سال قبل قائد کے وژن کے مطابق اسلامی فلاحی ریاست کے لیے پارٹی کی بنیاد رکھی۔
تفصیلات کے مطابق وزیراعظم عمران خان نے تحریک انصاف کے 24ویں یوم تاسیس پر سماجی رابطے کی ویب سائٹ ٹویٹر پر اپنے پیغام میں کہا کہ 24 سال پہلے پاکستان تحریک انصاف کی بنیاد رکھی۔
وزیراعظم نے کہا کہ اسلامی فلاحی ریاست کے حصول کے لیے قانونی کی حکمرانی اہم ہے، ہر کوئی قانون کے آگے برابر ہو اور طاقتور قانون کے تابع ہو۔
24 years ago today, PTI embarked on our mission of achieving our Quaid Jinnah's vision for Pakistan as a modern Islamic welfare state. To achieve this we had to achieve the following: 1. Rule of Law where all are equal before the law & the powerful are brought under the law.
— Imran Khan (@ImranKhanPTI) April 25, 2020
عمران خان نے کہا کہ قوم کے وسائل پر مخصوص طبقے کے قبضے کو چھڑانا ہے، قوم کے وسائل کو غربت کی لکیر سے نیچے والوں کے لیے استعمال کرنا ہے۔
وزیراعظم نے کہا کہ ہماری جماعت کی کسی بھی سیاسی جماعت سے زیادہ جدوجہد ہے، آج نعیم الحق، احسن رشید، سلونی بخاری کو خاص طور پر یاد کررہا ہوں۔
Today I want to remember our founding members who are not with us anymore – Naeemul Haq, Ahsan Rasheed and Saloni Bokhari.
— Imran Khan (@ImranKhanPTI) April 25, 2020
عمران خان شفاف انداز میں احتساب کو آگے بڑھا رہے ہیں، شاہ محمود قریشی
دوسری جانب وزیر خارجہ شاہ محمود قریشی نے تحریک انصاف کے 24ویں یوم تاسیس پر اپنے پیغام میں کہا کہ پی ٹی آئی نے ہمیشہ تبدیلی کی سیاست کی بات کی ہے، عمران خان شفاف انداز میں احتساب کو آگے بڑھا رہے ہیں۔
شاہ محمود قریشی نے کہا کہ کرپشن فری پاکستان کی جانب گامزن ہیں، احساس پروگرام کے تحت غریب طبقات کی معاونت کی جارہی ہے۔
انہوں نے کہا کہ خارجہ محاذ پر بھی ہمیں بہت سی کامیابیاں حاصل ہوئیں، ہم اپنی اگلی منزل مضبوط اور خوشحال پاکستان کی طرف بڑھ رہے ہیں۔
