رقوم کی غیر قانونی منتقلی روکنے کیلئے حکمت عملی تیار کی جائے، وزیراعظم کی ہدایت -
The news is by your side.

Advertisement

رقوم کی غیر قانونی منتقلی روکنے کیلئے حکمت عملی تیار کی جائے، وزیراعظم کی ہدایت

اسلام آباد : وزیر اعظم عمران خان نے کہا ہے کہ رقم کی غیر قانونی طور پر بیرون ملک منتقلی کی روک تھام کیلئے حکمت عملی مرتب کی جائے، تاجربرادری کو سہولیات کی فراہمی اولین ترجیحات میں ہے۔

یہ ہدایات انہوں نے اعلیٰ سطح اجلاس میں دیں, وزیر اعظم عمران خان کی زیر صدارت اعلیٰ سطح اجلاس ہوا جس میں وزیر اعظم کو وزارت کامرس و وزارت تجارت کے امور اور پاور سیکٹر کی صورتحال پر تفصیلی بریفنگ دی گئی۔

اجلاس سے خطاب کرتے ہوئے عمران خان نے ہدایات دیں کہ رقوم کی غیر قانونی طور پر بیرون ملک منتقلی کی روک تھام کیلئے مربوط حکمت عملی تیار کی جائے۔.

انہوں نے کہا کہ تجارت کا فروغ اور تاجر برادری کو بہتر سہولیات کی فراہمی حکومت کی اولین ترجیحات میں شامل ہے، سرمایہ کاری کے خواہشمند تارکین وطن کو سہولتیں دیں گے، پاکستانی مشنز میں ٹریڈ افسران کی تعیناتی کا ازسر نو جائزہ لینا ہوگا۔

اجلاس میں وزیر اعظم کو پاور سیکٹر کی صورتحال سے متعلق سیکریٹری توانائی نے بجلی کی چوری اور سرکولر ڈیٹ پر تفصیلی بریفنگ دی، انہوں نے وزیراعظم کو لائن لاسز اور گردشی قرضوں سے متعلق آگاہ کیا گیا۔

بریفنگ میں کہا گیا کہ اب تک گردشی قرضے گیارہ کھرب18ارب روپے تک پہنچ چکے ہیں، سیکریٹری پاور نے بجلی پیداواراور اس کے ترسیلی نظام کے مختلف مسائل سے بھی آگاہ کیا۔

وزیراعظم نے بجلی کی چوری اور بڑھتے گردشی قرضوں پر تشویش کا اظہار کرتے ہوئے کہا کہ ماضی کی ناقص پالیسیوں اور کرپشن نے ملک کو ایسی صورتحال تک پہنچایا، ان کا مزید کہنا تھا کہ بجلی چوری کی روک تھام میں عوامی شعور اجاگر کرنے کے لئے جامع مہم شروع کروں گا، پاور سیکٹر کے مسائل کے حل کے لئے بھی کمیٹی بنائی جارہی ہے۔

Comments

comments

یہ بھی پڑھیں