اسلام آباد: وزیر اعظم پاکستان عمران خان نے چیئرمین سینیٹ صادق سنجرانی کو بھرپور تعاون کی یقین دہانی کرا دی.
تفصیلات کے مطابق وزیر اعظم عمران خان سے چیئرمین سینیٹ صادق سنجرانی کی ملاقات ہوئی، اس موقع پر اعظم سواتی، پرویز خٹک اور شبلی فرازبھی ملاقات میں موجود تھے.
[bs-quote quote=”مفاد پرست لوگ جمہوریت کو تباہ کرنے پرتلے ہیں” style=”style-8″ align=”left” author_name=”وزیر اعظم”][/bs-quote]
ذرائع کے مطابق وزیر اعظم نے چیئرمین سینیٹ کے خلاف تحریک کی ناکامی کے ضمن میں اعتماد کا اظہار کیا.
انھوں نے کہا کہ تحریک عدم اعتماد کو ناکام بنانے کی کوشش کریں گے، چیئرمین سینیٹ ہٹانے کی کوششیں کون سی جمہوری اقدارہے.
مزید پڑھیں: اپوزیشن نے حاصل بزنجو کو چیئرمین سینیٹ کے لئے نامزد کردیا
وزیر اعظم کا کہنا تھا کہ جمہوریت کا راگ الاپنےوالے بتائیں، کیا یہ جمہوریت ہے، مفاد پرست لوگ جمہوریت کو تباہ کرنے پرتلے ہیں.
چیئرمین سینیٹ نے اپوزیشن کی تحریک سےمتعلق مشاورت مکمل کرلی ہے. اعظم سواتی اورشبلی فراز نے وزیر اعظم کو نمبرگیم سے متعلق بریفنگ دی.
خیال رہے کہ اپوزیشن کی رہبر کمیٹی نے میر حاصل بزنجو کو چیئرمین سینیٹ کے لئے نامزد کیا ہے، کمیٹی کا کہنا ہے کہ سب جماعتیں میرحاصل بزنجوکوووٹ دیں گی، کوشش کریں گے کہ دیگر لوگوں کے ووٹ بھی حاصل ہو۔
