اسلام آباد : وزیر اعظم پاکستان عمران خان نے ایک بار پھر اپنے دونوں وزرائے اعلیٰ پراعتماد کا اظہار کر دیا.
تفصیلات کے مطابق وزیراعظم عمران خان کی زیرصدارت ہونے والے اہم اجلاس کی اندرونی کہانی سامنے آگئی. وزیر اعلیٰ پنجاب اور وزیر اعلیٰ خیبر پختون خوا کو ہٹانے کی افواہیں دم توڑ گئیں.
اجلاس میں وزیر اعظم نے سردار عثمان بزدار اور محمود خان پر اعتماد کا اظہار کرتے ہوئے ہدایت کی کہ وہ اپنا کام جاری رکھیں.
وزیر اعظم عمران خان نے کہا کہ پنجاب، خیبرپختونخوا کے وزرائے اعلیٰ اپنے فرائض نبھاتے رہیں اور کام جاری رکھیں. وزیر اعظم نے مزید کہا کہ مثبت پالیسیاں اپنا رہے ہیں، ملک بحران سے نکل آئے گا.
مزید پڑھیں: وزیر اعظم عمران خان سے مشیر خزانہ کی ملاقات
اجلاس میں وزیر اعظم نے کہا کہ حفیظ شیخ قابل آدمی اوردنیا کے بڑے اکانومسٹ ہیں، وزیراعظم نے ہیلتھ ایڈوائزرکو ادویات کی قیمتوں میں کمی کی ہدایت کردی.
وزیراعظم عمران خان نے دوران اجلاس وزیر ریلوے شیخ رشید کے کردار کی تعریف کی اور انھیں سراہا.
خیال رہے کہ وفاقی کابینہ میں تبدیلی کے بعد یہ افواہیں گردش میں تھیں کہ جلد پی ٹی آئی کے دونوں وزرائے اعلیٰ بھی تبدیل کر دیے جائیں گے، البتہ اب اس افواہ نے دم توڑ دیا ہے۔
