The news is by your side.

Advertisement

عوام کی زندگی میں حقیقی معنوں میں واضح تبدیلی لانا ہمارا منشور ہے: وزیر اعظم

اسلام آباد: وزیر اعظم عمران خان کا کہنا ہے کہ عوام کی زندگی میں حقیقی معنوں میں واضح تبدیلی لانا ہمارا منشور ہے، پختونخواہ کی عوام کی بہتری کے لیے مزید اقدامات کریں گے۔

تفصیلات کے مطابق وزیر اعظم عمران خان سے کوہاٹ اور ڈیرہ غازی خان کے اراکین قومی اسمبلی نے ملاقات کی۔

ملاقات کرنے والے اراکین میں علی امین گنڈا پور، شاہد احمد، نورین فاروق، شاندانہ گلزار، محمد یعقوب، نعیم الحق، ندیم افضل چن اور سیکرٹری جنرل ارشد داد شامل تھے۔

اراکین قومی اسمبلی نے اپنے حلقوں سے متعلق مسائل سے وزیر اعظم کو آگاہ کیا۔

وزیر اعظم عمران خان کا کہنا تھا کہ عوام کی زندگی میں حقیقی معنوں میں واضح تبدیلی لانا ہمارا منشور ہے، پختونخواہ کی عوام کی بہتری کے لیے مزید اقدامات کریں گے۔ تعلیم اور صحت میں تبدیلی سے معیار زندگی میں تبدیلی آئے گی۔

وزیر اعظم نے کہا کہ خیبر پختونخواہ میں سیاحت کے بے پناہ مواقع ہیں، سیاحت کے فروغ سے ملکی معیشت کو فائدہ ہوگا۔

وزیر اعظم نے اراکین کے مسائل ترجیحی بنیادوں پر حل کروانے کی یقین دہانی کرواتے ہوئے صوبائی حکومت کو ہدایت کی کہ پینے کے پانی کے لیے پلان تشکیل دیا جائے۔

انہوں نے پختونخواہ کے علاقے کرک میں پینے کے پانی کے مسائل حل کرنے کی بھی ہدایت کی۔

Comments

comments

یہ بھی پڑھیں