وزرا کے ہاتھوں کسی بھی شہری کی تذلیل برداشت نہیں کی جائے گی، وزیرِ اعظم -
The news is by your side.

Advertisement

وزرا کے ہاتھوں کسی بھی شہری کی تذلیل برداشت نہیں کی جائے گی، وزیرِ اعظم

اسلام آباد: وزیرِ اعظم عمران خان نے وزیرِ اطلاعات پنجاب فیاض الحسن چوہان کی سخت سرزنش کر دی، وزیرِ اعظم نے کہا وزرا کے ہاتھوں کسی بھی شہری کی تذلیل برداشت نہیں کی جائے گی۔

تفصیلات کے مطابق وزیرِ اعظم نے پنجاب کے وزیرِ اطلاعات کے شرم ناک رویے پر ایکشن لے لیا، عمران خان نے انھیں سخت سست کہا، وزیرِ اعظم کا کہنا تھا کہ شہریوں کی تذلیل ہرگز برداشت نہیں کی جائے گی۔

وزیرِ اعظم عمران خان نے فیاض الحسن چوہان کو ہدایت کی کہ آئندہ وہ بیانات جاری کرتے ہوئے سخت احتیاط سے کام لیں، انھوں نے کہا ’ہر طبقے کے لوگ عوام کے لیے قابلِ قدر ہوتے ہیں، کسی بھی شخص کی تذلیل برادشت نہیں۔‘

خیال رہے کہ صوبائی وزیرِ اطلاعات و ثقافت فیاض الحسن چوہان نے اداکارہ نرگس اور میگھا کی تذلیل کرتے ہوئے کہا تھا کہ اگر انھیں ذمہ داری دی جائے تو وہ نرگس کو حاجی بنادیں گے اور میگھا کو تیس روزوں کی بجائے تین ماہ روزے رکھوا دیں گے۔


نوازشریف اور مریم کا نام آئین اورقانون کے مطابق ای سی ایل میں ڈالا گیا: وزیراطلاعات پنجاب


ان کا کہنا تھا کہ پاکستان میں ثقافتی انڈسٹری غلاظت سے بھری ہوئی ہے، وہ ایک ماہ میں کلچر انڈسٹری کو ہر غلاظت سے پاک کر سکتے ہیں۔

تذلیل آمیز بیان پر اداکارہ نرگس اور میگھا نے شدید رد عمل ظاہر کرتے ہوئے ان سے معافی کا مطالبہ کر دیا تھا، جس پر انھوں نے ویڈیو معافی مانگی۔

Comments

comments

یہ بھی پڑھیں