سی پیک کی سرمایہ کاری پاکستان کو مشکلات سے نکلنے میں مددگار ثابت ہوگی: وزیراعظم
The news is by your side.

Advertisement

چینی قیادت نے اپنے ستر کروڑ عوام کو غربت سے نکالا، ان سے سیکھنے کا موقع ملے گا: وزیراعظم

اسلام آباد: وزیر اعظم عمران خان نے کہا ہے کہ سی پیک کی سرمایہ کاری پاکستان کو مشکلات سے نکلانے میں مددگار ثابت ہوگی۔

ان خیالات کا اظہار انھوں نے چینی میڈیا کے نمائندوں‌ سے گفتگو کرتے ہوئے کیا، ان کا کہنا تھا کہ پاکستان وسائل سے مالامال ہے، مگر ان کادرست استعمال نہیں ہوا.

وزیراعظم عمران خان نے کہا کہ چین کے دورے کے حوالے سے پرامید ہوں، پاکستان چین کے تجربے سے فائدہ اٹھا سکتا ہے.

انھوں نے مزید کہا کہ وائٹ کالر جرم پکڑنے کے لئے خصوصی صلاحیت درکارہوتی ہے، صدر شی چنگ پنگ نے کرپشن پر 400 چینیوں کو سزائے موت دی، چین کی قیادت سے ملاقات میں سیکھنے کا موقع ملے گا.

وزیراعظم نے کہا کہ پاکستان میں خراب طرز حکمرانی اور بدعنوانی کے باعث ترقی کی رفتار  رکی رہی، چین نے اپنے 700ملین افراد کو غربت سے نکالا ہے ، ہم بھی کرپشن سے نمٹنے کی کوشش کررہے ہیں.


مزید پڑھیں: کرپشن کے خاتمے کے لئے چین کے تجربے سے استفادہ کریں گے: خسرو بختیار


انھوں نے کہا کہ سی پیک پاکستان میں سرمایہ کاری لانے کے مرحلے میں آگیا ہے، پاکستان کا بڑا مسئلہ جاری حسابات کا خسارہ ہے، جس پر جلد قابو پا لیں گے۔

یاد رہے کہ وزیراعظم پاکستان چین کا اہم دورہ کر رہے ہیں، جہاں وہ چینی صدر سمیت اعلیٰ عہدے داروں سے ملاقات کریں گے۔

Comments

comments

یہ بھی پڑھیں