ہوسکتا ہے، آئی ایم ایف کے پاس نہ جانا پڑے، دوست ممالک سے بات کر رہے ہیں: وزیراعظم
The news is by your side.

Advertisement

ہوسکتا ہے، آئی ایم ایف کے پاس نہ جانا پڑے، دوست ممالک سے بات کر رہے ہیں: وزیراعظم

اسلام آباد: وزیر اعظم عمران خان نے کہا ہے کہ ہوسکتا ہے، آئی ایم ایف کے پاس نہ جانا پڑے، دوست ممالک سے بات کر رہے ہیں.

ان خیالات کا اظہار انھوں نے پی بی اے اور سی پی این ای کے وفود سے ملاقات کے موقع پر کہی. انھوں نے امید ظاہر کی حکومت بہت جلد مسائل پر قابو پا لے گی.

ملکی معیشت کو درپیش چیلنجزسے نمٹنا اولین ترجیح ہے

وزیراعظم

انھوں نے کہا کہ پی ٹی آئی حکومت تنقیدکاخیرمقدم کرتی ہے، توقع ہے کہ میڈیابھی ذمہ داری کامظاہرہ کرے گا، میری کامیابی کی بڑی وجہ میڈیا ہے.

انھوں‌ نے کہا کہ ملکی اقتصادی مسائل کی وجہ سے میڈیا کو بھی مشکلات درپیش ہیں، ملکی معیشت کو درپیش چیلنجزسے نمٹنا اولین ترجیح ہے، مشکل فیصلے کر رہے ہیں، مگران کے مثبت نتائج ملیں گے.


مزید پڑھیں: معیشت میں بہتری کےلیےاہم اورمشکل فیصلےکرنا چاہتے ہیں‘ وزیراعظم


وزیراعظم عمران خان نے کہا کہ توقع ہے کہ اپنی پالیسیوں سے بہت جلد مسائل پرقابوپالیں گے، ہوسکتا ہے کہ ہمیں آئی ایم ایف کے پاس نہ جانا پڑے، چاہتےہیں کہ عام آدمی کی مشکلات کو کم کیاجائے.

عمران خان نے کہا کہ حکومت تعلیم، صحت اورسماجی شعبے پرخصوصی توجہ دے رہی ہے، میڈیا ایڈوائزری کو سپورٹ کریں گے.

ان موقع پر وزیراعظم عمران خان نے نیوزپرنٹ پرعائد 5 فیصدڈیوٹی ختم کرنے کا بھی اعلان کیا.

Comments

comments

یہ بھی پڑھیں