The news is by your side.

Advertisement

خطے کے امن کے لیے کشمیریوں کو ان کا جائز حق دینا ضروری ہے: وزیر اعظم

اسلام آباد: وزیر اعظم عمران خان نے کہا ہے کہ خطے کا امن و استحکام  کشمیریوں کو جائز حق ملنے سے وابستہ ہے۔

ان خیالات کا اظہار  انھوں نے پی ٹی آئی کور کمیٹی کے اجلاس کی صدارت کرتے ہوئے کیا، اجلاس میں کشمیر کی صورت حال اور  پارٹی کے تنظیمی معاملات پر  بھی گفتگو  کی.

پی ٹی آئی کور کمیٹی میں کشمیر میں بھارتی فوج کے ظلم و جبرکے خلاف قرارداد منظور کی گئی، وزیراعظم کی کشمیرکی صورت حال اجاگرکرنے کی کوششوں کوسراہا گیا.

وزیراعظم نے کورکمیٹی کو جمعہ کے روز کشمیر آور سے متعلق خصوصی ہدایات کیں. انھوں نے کہا کہ پارٹی قیادت، ممبران پارلیمنٹ ضلعی ہیڈ کوارٹرز میں موجود رہیں.

مزید پڑھیں: وزیر اعظم کی کاروباری مواقع بڑھانے کے لیے فرسودہ قوانین ختم کرنے کی ہدایت

انھوں نے کہا کہ پی ٹی آئی ارکان احتجاج میں عوام کی بھرپور شرکت کو یقینی بنائیں، یہ احتجاج 27 ستمبر تک جاری رہے گا، کشمیرکے مسلمانوں کے خلاف جبروستم کوہرسطح پراٹھایا جائے.

وزیراعظم کا کہنا تھا کہ دنیا کو باور کرایا جائے کہ بھارتی اقدام سے امن کو شدید خطرات ہیں، کشمیریوں کو  جائز حق دلانے میں عالمی برادری کردار ادا کرے.

وزیراعظم عمران خان نے کہا کہ کشمیریوں کو جائز حق ملنا خطے کے امن و استحکام کے لئے ازحد ضروری ہے.

Comments

comments

یہ بھی پڑھیں