وزیراعظم کا کیرالہ میں‌ سیلاب کی تباہ کاروں‌ پر اظہارافسوس، متاثرینکے لیے امداد کی پیش کش Kerala
The news is by your side.

Advertisement

وزیراعظم کا کیرالہ میں‌ سیلاب کی تباہ کاروں‌ پر اظہارافسوس، متاثرین کے لیے امداد کی پیش کش

اسلام آباد: وزیراعظم عمران خان کی جانب سے بھارتی ریاست کیرالہ میں سیلاب کی تباہ کاریوں پر افسوس کا اظہار کیا.

تفصیلات کے مطابق بھارتی ریاست کو اس وقت اپنی تاریخ‌کے بدترین سیلات کا سامنا ہے، جس میں‌ 231 افراد ہلاک، جب کہ لاکھوں بے گھر ہوچکے ہیں.

وزیراعظم پاکستان کی جانب سے اس المیے پر دکھ کا اظہار کرتے ہوئے انسانی بنیادوں سیلاب متاثرین کی مدد کی پیش کش کی گئی ہے.

وزیراعظم عمران خان نے پاکستانی عوام کی جانب سے سیلاب سے متاثرہ افراد کے لیے نیک تمناؤں کا اظہار اور ان کے مسائل میں‌ فوری کمی کی خواہش ظاہر کی .

واضح‌رہے کہ بھارتی ریاستوں تامل ناڈو اور کیرالہ میں سمندری طوفان اوکھی نے بربادی کی ہولناک داستان رقم کی ہے.

مزید پڑھیں: بھارتی ریاستوں تامل ناڈو اور کیرالہ میں سمندری طوفان سے تباہی

سیلاب اور سمندری طوفان نے انفرااسٹرکچرکو شدید متاثر کیا، نشیبی علاقے زیر آب آگئے، مواصلاتی نظام درہم برہم  اور نظام زندگی مفلوج ہوگیا.

طوفان میں 130 کلو میٹر فی گھنٹہ کی رفتار سے ہوائیں چلیں، طوفان کے اثرات سری لنکا تک بھی پہنچے جہاں مختلف حادثات میں 7 افراد ہلاک ہوئے۔

طوفان میں‌ ہونے والی تباہی اور ہلاکتوں کے باعث مودی سرکار کو شدید تنقید کا سامنا ہے.

Comments

comments

یہ بھی پڑھیں