اسلام آباد: وزیراعظم پاکستان عمران خان سے سندھ کے ارکان اسمبلی نے آج ملاقات کی.
تفصیلات کے مطابق اس ملاقات میں سندھ میں ترقیاتی منصوبوں اورعوامی پروجیکٹس پرتبادلہ خیال ہوا. تعلیم، صحت اور اسپتالوں کی صورتحال پربھی بات چیت ہوئی.
اس مقع پر ارکان اسمبلی، سندھ نے وزیر اعطم کو صوبے کے مسائل سے آگاہ کیا. وزیراعظم نے سندھ میں ترقیاتی منصوبوں پرکام تیزکرنے کی یقین دہانی کرائی.
وزیر اعظم پاکستان نے کہا کہ حکومت مسائل کے حل میں ہرممکن تعاون کرے گی، سندھ کے عوام کو درپیش مسائل کا مکمل ادراک ہے.
مزید پڑھیں: قوم منی لانڈرنگ کرنے والوں کی بڑائی کرنا بند کرے ، وزیراعظم عمران خان
مزیدپڑھیں: میرے لئے اپنی قوم اور ملک سے بڑھ کر کچھ نہیں، وزیراعظم عمران خان
انھوں نے کہا کہ جلد چند دنوں کے لیے سندھ کا دورہ کروں گا، قومی وسائل کی لوٹ مارکرنے والوں کا مکمل احتساب ہوگا.
یاد رہے کہ گزشتہ رات اپنے خصوصی خطاب میں وزیر اعظم نے دس برس میںلینے جانے والے 24 ہزار ارب کے قرضوں سے متعلق اپنی نگرانی میں ایک ہائی پاورڈ کمیشن بنانے کا اعلان کیا تھا۔
وزیر اعظم نے کہا تھا کہ اس کمیشن میں تفتیشی اور سیکیورٹی اداروں کے نمائندے بھی شامل ہوں گے.
