The news is by your side.

Advertisement

پاکستان اسٹیل کو نقصانات سے بچانا اور بحالی حکومت کی اولین ترجیح ہے: وزیر اعظم

اسلام آباد: وزیر اعظم عمران خان نے کہا ہے کہ پاکستان اسٹیل کو نقصانات سے بچانا اور بحالی حکومت کی اولین ترجیح ہے.

ان خیالات کا اظہار انھوں‌ نے پاکستان اسٹیل سے متعلق جائزہ اجلاس کی صدارت کرتے ہوئے کیا. اس اجلاس میں عبدالرزاق داؤد، عبدالحفیظ شیخ، سیکرٹری صنعت و پیداوار، ڈویژن اور دیگر شریک ہوئے.

اس موقع پر پاکستان اسٹیل کی بندش سے نقصانات اور بحالی کے اقدامات پربریفنگ دیتے ہوئے وزیر اعظم کو مطلع کیا گیا کہ پاکستان اسٹیل 2008 تک منافع بخش ادارہ تھا، 2009میں ادارہ نقصانات کا شکار ہوا اور جون 2015 میں اسے بند کر دیا گیا.

بریفنگ میں وزیر اعظم کو مطلع کیا گیا کہ تنخواہوں کے ضمن میں حکومت 37 کروڑ ماہانہ اخراجات برداشت کر رہی ہے، اب تک اسٹیل مل کے ذمے واجبات217 ارب تک پہنچ چکے ہیں.

مزید پڑھیں: وزیراعظم عمران خان کی زیر صدارت وفاقی کابینہ کا اجلاس 7 اگست کو ہوگا

اس موقع پر وزیر اعظم کا کہنا تھا کہ پاکستان اسٹیل کو نقصانات سے بچانا اور بحالی حکومت کی اولین ترجیح ہے، منافع بخش ادارے کی تباہی بد انتظامی اور غفلت کی واضح مثال ہے.

وزیر اعظم نے وزارت تجارت و صنعت کو ادارےکی بحالی پر کوششیں تیز کرنے اور رپورٹ مرتب کرنے کی ہدایت کی.

Comments

comments

یہ بھی پڑھیں