اسلام آباد: وزیراعظم کے فروغ سیاحت کے لیے اقدامات کے ثمرات سامنے آنا شروع ہوگئے، اسکردو سیاحوں کی توجہ کا محور بن گیا۔
تفصیلات کے مطابق وزیراعظم کی دل چسپی اور کوششوں کے طفیل پاکستان میں سیاحت کا شعبہ پھل پھول رہا ہے۔
غیر ملکی سیاحوں کی بڑی تعداد نے اسکردو کا رخ کرنا شروع کر دیا، دنیا کے بلند ترین ائیرپورٹ سیاحوں کا رش بڑھ گیا۔
ساڑھے سات ہزار فٹ بلندی پر قائم اسکردوائیرپورٹ سیاحوں کا توجہ کا مرکز بن گیا ہے.
رواں سال کے دوران 50 ہزار سے زائد سیاحوں نے اسکردو کا رخ کیا۔ اس عمل میں وزیر اعظم عمران خان کی کوششوں کے بعد واضح تیزی آئی۔
حالیہ دنوں میں وزیراعظم کی ہدایت پراسکردو اور چترال ائیرپورٹ کی توسیع کے لئے خصوصی اقدامات کیے گئے.
سول ایویشن اتھارٹی کی جانب سے دونوں ائیرپوٹس کی توسیع کے حوالے سے ٹینڈر بھی جاری کردیا گیا۔ اسکردو ائیرپورٹ کے توسیع منصوبے کے بعد پروازوں میں واضح اضافے کی توقع کی جارہی ہے۔
