اسلام آباد: وزیراعظم عمران خان نے کہا ہے کہ امریکی صدر ٹرمپ جلد پاکستان کا دورہ کریں گے.
ان خیالات کا اظہار انھوں نے اپنے زیر صدارت ہونے والے وفاقی کابینہ کے اجلاس میں کیا. انھوں نے کابینہ کو دورہ امریکا سے متعلق اعتماد میں لیا.
اس موقع پر انھوں نے کہا کہ دورہ امریکا میں صدرٹرمپ کے ساتھ کامیاب میٹنگ ہوئی، امریکی صدر جلد پاکستان کا دورہ کریں گے.
خیال رہے کہ وزیر اعظم عمران خان گزشتہ روز امریکا کے کامیابی دورے کے بعد پاکستان لوٹے تھے.
وزیراعظم عمران خان نے وطن پہنچتے ہی حکومتی امور سنبھالنے کا فیصلہ کیا، اس سلسلے میں وفاقی کابینہ کا اجلاس طلب کیا گیا.
مزید پڑھیں: کامیاب دورہ امریکا: عمران خان دنیا کے مقبول ترین لیڈرز کی فہرست میں 8ویں نمبر پر آگئے
خیال رہے کہ وزیر اعظم نے اپنے کامیاب دورے میں امریکی صدر سے ملاقات کی، جنھوں نے مسئلہ کشمیر پر ثالثی کی پیش کش کی اور امید ظاہر کی عمران خان کی قیادت میں پاکستان ترقی کے مراحل طے کرے گا.
وزیر اعظم نے مائیک پومپیو سمیت اعلیٰ عہدے داروں سے ملاقات کی اور مختلف فورمز سے خطاب کرتے ہوئے پاکستان کی قربانیاں اجاگر کیں.
