پنجاب اور خیبر پختونخوا کے گورنر ہاؤسز بھی عوام کے لیے کھولے جائیں، وزیرِ اعظم -
The news is by your side.

Advertisement

پنجاب اور خیبر پختونخوا کے گورنر ہاؤسز بھی عوام کے لیے کھولے جائیں، وزیرِ اعظم

اسلام آباد: وزیرِ اعظم عمران خان نے دارالحکومت میں پارٹی وزرا کے ایک اہم اجلاس کی صدارت کرتے ہوئے ہدایت کی کہ پنجاب اور خیبر پختونخوا کے گورنر ہاؤسز بھی عوام کے لیے کھولے جائیں۔

تفصیلات کے مطابق اسلام آباد میں پارٹی وزرا پر مشتمل ایک اہم اجلاس وزیرِ اعظم عمران خان کی صدارت میں منعقد ہوا، اجلاس میں وزارتِ کیڈ کے معاملات پر تبادلہ خیال کیا گیا۔

خیال رہے کہ دو ہفتے قبل وفاقی کابینہ کے اجلاس میں کیپٹل ایڈمنسٹریشن اینڈ ڈیولپمنٹ (کیڈ) کی وزارت ختم کرنے اور اس کے اداروں کو کابینہ ڈویژن کے ماتحت کر کے مشیر برائے پارلیمانی امور بابر اعوان کے سپرد کرنے کا فیصلہ کیا گیا تھا۔

اجلاس میں شاہ محمود قریشی، اسد عمر، شیریں مزاری کے علاوہ نعیم الحق، عامر محمود کیانی اور ڈاکٹر بابر اعوان بھی شریک ہوئے، اجلاس میں گورنر سندھ عمران اسماعیل نے بھی شرکت کی۔


یہ بھی پڑھیں:  گورنر ہاؤس سندھ کی تاریخی عمارت کو عوام کیلئے کھول دیا گیا


وزیرِ خارجہ شاہ محمود قریشی نے وزیرِ اعظم کو چینی وزیرِ خارجہ سے ہونے والے مذاکرات پر بریفنگ دی، خیال رہے کہ چینی وزیرِ خارجہ نے نومبر میں وزیرِ اعظم کو دورے کی دعوت دی ہے۔

دوسری طرف ذرائع کا کہنا ہے کہ وزیرِ اعظم عمران خان نے آج سارا دن بنی گالہ میں اپنے بچوں قاسم اور سلیمان کے ساتھ گزارا، جو پاکستان میں چار دن قیام کریں گے، عمران خان کل بھی بنی گالہ میں ہوں گے۔

Comments

comments

یہ بھی پڑھیں