The news is by your side.

Advertisement

ہماری کوشش ہے کہ کچی آبادیوں کے لوگوں کو گھر دیں، وزیراعظم

اسلام آباد: وزیراعظم عمران خان کا کہنا ہے کہ گھروں کی تعمیر کے لیےسستے قرضوں کے لیے بینک تیارہیں ، ہماری پوری کوشش ہے کہ کچی آبادیوں کے لوگوں کو گھر دیں۔

تفصیلات کے مطابق وزیراعظم عمران خان نے اسلام آباد میں فراش ٹاؤن میں ہاؤسنگ اسکیم کاسنگ بنیاد رکھ دیا، سنگ بنیاد کے موقع پر تقریب سے خطاب کرتے ہوئے وزیراعظم نے کہا کہ سستے قرضوں کیلئے ہماری کوششیں کامیاب ہوئیں، بینک بھی تیار ہیں اور اسکیمیں بھی لانچ ہورہی ہیں۔

عمران خان کا کہنا تھا کہ نیا پاکستان ہاؤسنگ منصوبے پر مبارکباد دیتا ہوں، ملک میں مورگیج فنانسنگ کا کوئی اسٹرکچر ہی نہیں تھا اور مورگیج فنانسنگ کامرحلہ بہت مشکل تھا کیونکہ بینکوں کو چھوٹے قرضے دینے کی عادت نہیں تھی۔

منصوبے کے حوالے سے انھوں نے کہا نیاپاکستان ہاؤسنگ کے منصوبے پر تیزی سے کام جاری ہے، سستے گھروں کیلئے کئی مراحل طے کئےگئے ہیں، یہ ساری اسکیمز اس طبقے کیلئے ہیں جو اپنا گھر بناناچاہتے ہیں۔

وزیراعظم کا کہنا تھا کہ کچی آبادیوں کو 600گھر دینے پر سی ڈی اے کوخراج تحسین پیش کرتاہوں، گھر بنانے کیلئے پیسہ نہ ہونے پر کچی آبادیاں بن جاتی ہیں، کراچی میں تقریباً40فیصد کچی آبادیاں ہیں، ہماری پوری کوشش ہے کہ کچی آبادیوں کے لوگوں کو گھر دیں۔

عمران خان نے کہا کہ فراش ٹاؤن میں ماڈرن سہولتیں میسر ہوں گی، کچی آبادیوں کو تبدیل کرنے کیلئےسی ڈی اے کا پلان بہت زبردست ہے۔

ملکی قرضوں کے حوالے سے ان کا کہنا تھا کہ ہر سال قرضوں کی جو قسطیں دینی پڑتی ہیں وہ بڑھتی جاتی ہیں، بدقسمتی سے ماضی کے لئے گئے قرضوں کی وجہ سے مزید قرضے بڑھے، ہماری کوشش ہے کہ ملک کی دولت میں اضافہ ہو، دولت میں اضافہ ہوگا تو ہم ملک کا قرضہ اتار سکیں گے۔

انھوں نے مزید کہا ن لیگ نےپہلےڈھائی سال میں قرضہ اور قسط20ہزار ارب واپس کیا، ہم نے اپنے ڈھائی سال میں 35000ارب قرضہ واپس کیا، سندھ حکومت کیساتھ بنڈل آئی لینڈ پر مذاکرات کررہےہیں، بنڈل آئی لینڈ بننے سے باہرسے پیسہ آئےگا،روپیہ مضبوط ہورہاہے۔

وزیراعظم کا کہنا تھا کہ پاکستان میں50سال بعد دوڈیمز بن رہےہیں، ملک میں ڈیمز بننے سے سستی بجلی بنے گی جبکہ ایم ایل ون بننے سے کراچی سے لاہور کا سفر8 گھنٹے ہوجائے گا، ہماری کوشش ہے اسمال اور میڈیم انڈسٹری کو اوپر اٹھائیں۔

Comments

یہ بھی پڑھیں