اسلام آباد: وزیر اعظم عمران خان نے پناہ گاہوں کی نئے طرز پر تعمیر کے منصوبے کا سنگ بنیاد رکھ دیا، وزیر اعظم کا کہنا ہے کہ پناہ گاہ کے مکین معاشرے میں اپنا کردار ادا کرنے والے شہری بن سکیں گے۔
تفصیلات کے مطابق وزیر اعظم عمران خان نے پناہ گاہوں کی نئے طرز پر تعمیر کے منصوبے کا سنگ بنیاد رکھ دیا، سافٹ لانچنگ کی تقریب وزیر اعظم ہاؤس میں ہوئی۔ وزیر اعظم نے نئی تعمیر ہونے والی پناہ گاہوں کے ماڈل کی رونمائی بھی کر دی۔
وزیر اعظم نے پناہ گاہوں میں معیاری خوراک اور خدمات کی فراہمی کی اہمیت پر زور دیا اور متعلقہ محکموں کو پناہ گاہوں پر احساس خدمات فراہم کرنے کی بھی ہدایت کی۔
پناہ گاہوں کی از سر نو تعمیر کے نئے منصوبے کا افتتاح بدست وزیراعظم: 2/2
نئی ماڈل پناہ گاہوں کے اندرونی مناظر#Panagah #Ehsaas pic.twitter.com/9FBnlwY3FQ— Sania Nishtar (@SaniaNishtar) December 22, 2021
انہوں نے پناہ گاہوں میں ہنر مندی کی تربیت فراہم کرنے پر زور دیتے ہوئے کہا کہ پناہ گاہ کے مکین معاشرے میں اپنا کردار ادا کرنے والے شہری بن سکیں گے۔
نئے ماڈل کے تحت انفراسٹرکچر اور سہولیات کے معیار کو مزید بہتر بنایا جائے گا، پناہ گاہوں کے ذریعے مزدوروں کو موسمی سختیوں سے بچایا جائے گا۔
پناہ گاہوں کی نئی تعمیرات میں ون ونڈو احساس مراکز بھی قائم ہوں گے۔ مزدوروں اور پسماندہ طبقے کو سماجی بہبود کے پروگراموں سے استفادے کے قابل بنایا جائے گا۔
