تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

سانحہ مچھ کے شہدا کی تدفین، وزیراعظم عمران خان کوئٹہ پہنچ گئے

اسلام آباد: وزیراعظم عمران خان کوئٹہ پہنچ گئے ، جہاں وہ 10شہیدکان کنوں کے لواحقین سے ملاقات کرکے تعزیت کریں گے۔

تفصیلات کے مطابق وزیراعظم عمران خان نے اپنا وعدہ پورا کردیا  اورسانحہ مچھ کے شہدا کی تدفین ہوتے ہی کوئٹہ پہنچ گئے ، وزیرداخلہ شیخ رشید بھی عمران خان کے ہمراہ موجود ہیں۔

کوئٹہ میں عمران خان10 شہید کان کنوں کے لواحقین سے ملاقات کرکے تعزیت کریں گے جبکہ وزیراعلیٰ ہاؤس میں وزیراعظم کی زیر صدارت امن وامان سے متعلق اجلاس ہوگا ، جس میں عمران خان کوسانحہ مچھ سے متعلق بریفنگ بھی دی جائے گی۔

خیال رہے وفاقی وزیرعلی زیدی، معاون خصوصی زلفی بخاری پہلے سے کوئٹہ میں موجود ہیں۔

اس سے قبل سانحہ مچھ میں شہید کان کنوں کی نمازجنازہ ادا کرکے ہزارہ ٹاؤن قبرستان میں تدفین کردی گئی، نمازجنازہ میں وفاقی وزیرعلی زیدی ،زلفی بخاری اورڈپٹی اسپیکرقاسم سوری سمیت صوبائی وزرا اور شہریوں کی بڑی تعداد نے شرکت کی۔

گذشتہ رات ہزارہ برادری کے دھرنے میں منتظمین سے حکومتی ٹیم کے مذاکرات کامیاب ہو گئے تھے اور دھرنے میں شریک شہدا کے ورثا نے تدفین کی اجازت دے دی تھی، جس کے بعد منتظمین نے پورے ملک میں دھرنے ختم کرنے کا اعلان کیا تھا۔

حکومتی وفد کا کہنا تھا کہ وزیر اعظم ہزارہ برادری سے کیا ہوا ہر وعدہ پورا کریں گے، جبکہ شہدا کے لواحقین نے کہا تھا کہ ہم چاہتے ہیں وزیر اعظم آ کر مظلوموں کے سر پر شفقت کا ہاتھ رکھیں۔

وزیر اعلیٰ بلوچستان نے مذاکرات کے بعد خطاب میں کہا تھا کہ وزیر اعظم عمران خان لواحقین کے پاس آئیں گے اور ان کے مسائل سنیں گے، آرمی چیف بھی جلد ہزارہ برادری سے ملاقات کریں گے، اور بلوچستان میں سیکورٹی کی بہتری کے لیے اقدامات سے آگاہ کریں گے۔

Comments

- Advertisement -