وزیراعظم عمران خان سے سعودی وزیراطلاعات کی ملاقات -
The news is by your side.

Advertisement

وزیراعظم عمران خان سے سعودی وزیراطلاعات کی ملاقات

اسلام آباد: وزیراعظم عمران خان سے سعودی وزیر اطلاعات ڈاکٹرعواد بن صالح نے ملاقات کی جس میں باہمی دلچسپی کے امور پرتبادلہ خیال کیا گیا۔

تفصیلات کے مطابق وزیراعظم عمران خان سے سعودی وزیراطلاعات عواد بن صالح نے وزیراعظم آفس میں ملاقات کی۔

وزیرخارجہ شاہ محمود قریشی، وزیراطلاعات چوہدری فواد حسین اور سیکرٹری خارجہ تہمینہ جنجوعہ نے بھی ملاقات میں شرکت کی۔

وزیراعظم عمران خان اور سعودی وزیراطلاعات نے پاک سعودی عرب تعلقات سمیت اہم امور پرتبادلہ خیال کیا جبکہ دہشت گردی کےخلاف پاکستان کی خدمات پربھی بات چیت کی گئی

اس موقع پر سعودی وزیراطلاعات عواد بن صالح نے پاکستان کی خدمات کو سراہا۔

سعودی عرب مشکل کی ہرگھڑ ی میں پاکستانی بھائیوں کےساتھ رہے گا

یاد رہے کہ گزشتہ روز اسپیکر قومی اسمبلی اسد قیصر سے ملاقات میں سعودی وزیر اطلاعات نے مختلف شعبوں میں ہرممکن تعاون کی یقین دہانی کراتے ہوئے کہا تھا کہ سعودی عرب مشکل کی ہرگھڑی میں پاکستانی بھائیوں کے ساتھ رہے گا۔

واضح رہے کہ 7 ستمبر کو سعودی وزیراطلاعات عواد بن صالح اور دیگر پرمشتمل وفد پاکستان پہنچا تھا۔

Comments

comments

یہ بھی پڑھیں