The news is by your side.

Advertisement

مختلف شعبوں سے وابستہ ماہرین پر مشتمل تھنک ٹینک تشکیل دیا جائے،وزیراعظم

کوئٹہ: وزیراعظم عمران خان کا کہنا ہے کہ مختلف شعبوں سے وابستہ ماہرین پر مشتمل تھنک ٹینک تشکیل دیا جائے، تھنک ٹینک غربت کی لکیر سے نیچے لوگوں کے لیے اقدامات کی سفارش کرے۔

تفصیلات کے مطابق وزیراعظم عمران خان کی زیر صدارت بلوچستان میں کرونا صورت حال پر اجلاس ہوا۔وزیراعظم کو بلوچستان میں کرونا وائرس کے متاثرین کی نگہداشت سے متعلق بریفنگ دی گئی۔

اجلاس میں زائرین کی سہولت کے لیے انتظامات، اشیائے خوردونوش کی بلا تعطل فراہمی پر غور کیا گیا، ڈاکٹرز، طبی عملے کے لیے حفاظتی کٹس کی فراہمی،مستقبل کے لائحہ عمل سمیت مختلف مقامات پر جراثیم کش مہم کے حوالے سے اقدامات پر بریفنگ دی گئی۔

اس موقع پر وزیراعظم عمران خان نے اشیائے خوردونوش کی بلا تعطل فراہمی پر زور دیتے ہوئے کہا کہ روزگار کی فراہمی،غربت میں کمی کے لیے موثر حکمت عملی مرتب دینے کی ہدایت کی۔

وزیراعظم کا کہنا تھا کہ مختلف شعبوں سے وابستہ ماہرین پر مشتمل تھنک ٹینک تشکیل دیا جائے، تھنک ٹینک غربت کی لکیر سے نیچے لوگوں کے لیے اقدامات کی سفارش کرے۔

اجلاس کے دوران وزیراعظم پاکستان نے زراعت کے فروغ، اشیائےخوردونوش میں رعایت دینے کی اہمیت پر بھی زور دیا۔

اس سے قبل وزیراعظم عمران خان کا کہنا تھا کہ لاک ڈاؤن میں غریب آدمی کی مشکلات کا احساس ہے۔انہوں نے خدشہ ظاہر کیا کہ اس ماہ کے آخر تک کرونا کیسز میں اضافہ ہوگا۔

fb-share-icon0
Tweet 20

Comments

comments

یہ بھی پڑھیں