The news is by your side.

Advertisement

اپوزیشن ذاتی مفاد کی خاطر ملک دشمنوں کی زبان بول رہی ہے، وزیراعظم

اسلام آباد: وزیراعظم عمران خان کا کہنا ہے کہ اپوزیشن ذاتی مفاد کی خاطر ملک دشمنوں کی زبان بول رہی ہے۔

اے آر وائی نیوز کی رپورٹ کے مطابق وزیراعظم عمران خان کی زیر صدارت ترجمانوں کا اجلاس ہوا جس میں وفاقی وزرا، مشیران، معاونین نے شرکت کی۔

اجلاس میں اپوزیشن کے بیانیے، ملکی معیشت اور گلگت بلتستان الیکشن سے متعلق غور کیا گیا، وزیراعظم نے حکومتی ترجمان کو قومی بیانیے پر فرنٹ فٹ پر آکر کھیلنے کی ہدایت کی۔

وزیراعظم نے کہا کہ اپوزیشن ذاتی مفاد کی خاطرملک دشمنوں کی زبان بول رہی ہے، ان دنوں گلگت بلتستان میں اپوزیشن کا سرکس لگا ہوا ہے، سروے رپورٹس کے مطابق گلگت بلتستان میں پی ٹی آئی کو برتری حاصل ہے۔

انہوں نے کہا کہ پورے ملک کی عوام اپوزیشن جماعتوں کےعزائم جان چکی ہے، اپوزیشن نے قومی سلامتی کے امور پر بھی سیاست کی۔

عمران خان کا کہنا تھا کہ ہر محاذ پر اپوزیشن کا مقابلہ کریں گے، آئندہ چند دنوں میں آٹے اور چینی کی قیمتوں میں واضح کمی آئے گی، ملکی معیشت کے مثبت اشاریے اپوزیشن کے لیے پریشان کن ہیں۔

Comments

یہ بھی پڑھیں