اسلام آباد : وزیراعظم عمران خان کا کہنا ہے کہ ماحولیاتی تبدیلیوں سے نمٹنے کے لیے اقدامات کررہے ہیں۔
تفصیلات کے مطابق سماجی رابطے کی ویب سائٹ ٹویٹر پر اپنے پیغام میں کہا کہ پلانٹ فور پاکستان پروگرام کا آغازکررہے ہیں۔
We are launching our #Plant4Pakistan programme & reclaiming mafia encroached land, converting it into forests and wild life parks for our future generations to fight climate change and pollution. pic.twitter.com/yCaaahr2uB
— Imran Khan (@ImranKhanPTI) February 9, 2019
انہوں نے کہا کہ مافیا سے زمین واگزارکرا کرپارکس بنائیں گے، آلودگی کے خلاف جنگ آنے والی نسلوں کے لیے ہے۔
وزیراعظم عمران خان نے کہا کہ ماحولیاتی تبدیلیوں سے نمٹنے کے لیے اقدامات کررہے ہیں۔
واضح رہے کہ وزیراعظم عمران خان آج ننکانہ میں دس ارب پودے لگانے کی مہم کا آغاز کر رہے ہیں۔
ننکانہ کے ڈپٹی کمشنر راجہ منصور احمد کا کہنا ہے کہ شجرکاری مہم کے آغاز پر وزیراعظم کے ہمراہ اسکول کے ڈھائی ہزار بچے 10 ہزار پودے لگائیں گے۔
ڈپٹی کمشنر نے کہا کہ ضلعی انتظامیہ نے پچیس سو ایکڑ سرکاری اراضی قبضہ مافیا سے واگزار کرائی ہے، جنگل کے لیے پندرہ سو ایکڑ اراضی تیار کی جائے گی جبکہ واگزار کرائی گئی باقی ایک ہزار ایکڑ اراضی جنگلی حیات کے تحفظ کے لیے مختص کی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں