The news is by your side.

Advertisement

وزیر اعظم کا معذور افراد کے لیے ملازمتوں اور ہاؤسنگ پروگرام میں دو فی صد کوٹہ مختص کرنے کا فیصلہ

اسلام آباد: وزیر اعظم نے معذور افراد کے لئے نیا پاکستان ہاؤسنگ پروگرام میں دو فی صد کوٹہ مختص کر دیا.

تفصیلات کے مطابق وزیراعظم عمران خان کی جانب سے معذور افراد کی فلاح و بہبود کے لئے اہم فیصلہ کیا گیا ہے، اس ضمن میں ثانیہ نشتر کو اقدامات کی ہدایت جاری کر دی۔

فلاحی معاشرے کے لئے ضروری ہے کہ پسماندہ طبقات کا احساس کیا جائے

وزیر اعظم

وزیراعظم کی جانب سے یہ اہم فیصلہ وفاقی کابینہ کے اجلاس میں کیا گیا، معذور افراد کے لئے ملازمتوں میں 2 فیصد کوٹہ یقینی بنایا جائے.

ساتھ ہی خصوصی افراد کو  آلات سماعت، وہیل چیئر، دیگر آلات مفت فراہم کیے جائیں‌ گے، صحت کارڈ کی فراہمی بھی یقینی بنائی جائے گی.

مزید پڑھیں: سرکاری ریسٹ ہاؤسز کو سیاحت اورعوام کے استعمال میں لایا جائے، وزیراعظم

اس موقع پر وزیر اعظم نے کہا کہ فلاحی معاشرے کے لئے ضروری ہے کہ پسماندہ طبقات کا احساس کیا جائے، معذور افراد ہماری توجہ کے خصوصی طور پر مستحق ہیں.

انھوں نے کہا کہ بدقسمتی سے ماضی میں معذورافرادپر ریاست ذمہ داریاں ادا نہ کرسکی، موجودہ حکومت کی ترجیح ہے کہ معذور افراد کے تحفظ، فلاحی منصوبوں پر بھرپور توجہ دی جائے.

Comments

comments

یہ بھی پڑھیں