نیویارک: وزیر اعظم عمران خان نے کہا ہے کہ ہمیں طاقت ور اشرافیہ نےلوٹا، مجھ سے پہلے کی لیڈرشپ کرپٹ تھی.
تفصیلات کے مطابق وزیر اعظم عمران خان نے نیویارک میں معاشی ترقی سے متعلق کانفرنس سےخطاب کرتے ہوئے کہا کہ برسراقتدار آیا، تو مسائل تھے، ماضی کے حکم رانوں نے کرپشن کی.
انھوں نے کہا کہ دس سال تک ملک کو بے دریغ لوٹا گیا، سارے پیسے منی لانڈرنگ کرکےمنتقل کیے.
وزیر اعظم نے کہا کہ سب کچھ جاننےکے باوجود نظام میں اتنی خرابیاں ہیں کہ ہم لوٹی ہوئی دولت کو واپس نہیں لے پارہے.
اس موقع پر انھوں نے یہ مطالبہ بھی کیا کہ ترقی یافتہ امیر ملک ٹیکس چوروں کو پناہ دینا ترک کر دیں، ان کی لوٹی ہوئی دولت سے بنے ہوئے مکانات دنیا کے بڑے شہروں میں ہیں.
مزید پڑھیں: مقبوضہ کشمیر، اقوام متحدہ نے فعال کردار ادا نہ کیا تو حالات خراب ہوسکتے ہیں، وزیراعظم
منی لانڈرنگ کےخاتمے کے لئے مل کرکام کرناہوگا، منی لانڈرنگ نہ ہو، تو یہ رقم تعلیم وترقی کے لئے خرچ ہوگی.
وزیر اعظم نے کہا کہ میں حیران ہوں کہ آخر امیر ملک آف شورکمپنیوں کی اجازت کیوں دیتے ہیں، اس سے راہ کھلتی ہے. پاکستان انسدادمنی لانڈرنگ اورلوٹی دولت کی واپسی کے لئے اقدامات کررہا ہے.
