The news is by your side.

Advertisement

وزیراعظم عمران خان کی چھمب سیکٹرکے قریب دھماکے کی شدید مذمت

اسلام آباد: وزیراعظم عمران خان نے چھمب سیکٹر کے قریب دھماکے میں ہونے والی شہادتوں پر گہرے دکھ اور افسوس کا اظہار کیا۔

تفصیلات کے مطابق وزیراعظم عمران خان نے چھمب سیکٹر کے قریب دھماکے کی شدید مذمت کی اور شہید جوانوں کے درجات کی بلندی کے لیے دعا کی۔

وزیراعظم پاکستان نے دھماکے میں زجمی ہونے والے جوانوں کی جلد صحت یابی کے لیے بھی دعا کی۔

ایل او سی پر چھمب سیکٹر کے قریب دھماکا، 5 جوان شہید

یاد رہے کہ گزشتہ روز پاک فوج کے شعبہ تعلقات عامہ کے ادارے آئی ایس پی آر کا کہنا تھا کہ لائن آف کنٹرول پر چھمب سیکٹر کے قریب دھماکا ہوا تھا جس میں پاک فوج کے پانچ جوان شہید ہوئے۔

پاک فوج کے شعبہ تعلقات عامہ کا یہ بھی کہنا تھا کہ دھماکے سے ظاہر ہوتا ہے کہ یہ بھارتی ریاستی دہشت گردی کا نتیجہ ہے، آئی ایس پی آر نے کہا تھا کہ یہ واقعہ بھارت کی ریاستی دہشت گردی کا منہ بولتا ثبوت ہے۔

Comments

یہ بھی پڑھیں