اسلام آباد : وزیراعظم عمران خان کا کہنا ہے کہ قدرتی آفات کی شدت اور تعدد میں اضافہ ہوا ہے، نقصانات میں کمی کے لیے تمام وسائل بروئے کار لائیں گے۔
تفصیلات کے مطابق وزیراعظم عمران خان کا کہنا ہے کہ 2005ء کےزلزلے میں پیاروں کو کھونے والوں کے ساتھ ہیں۔
انہوں نے کہا کہ قدرتی آفات سے نمٹنے کے گلوبل فریم ورک پر کام کرنا ہوگا جبکہ ڈیزاسٹرمینجمنٹ کے لیے فعال نظام وقت کی ضرورت ہیں۔
وزیراعظم نے کہا کہ پاکستان کے پاس نیشنل ڈیزاسٹر مینجمنٹ جیسا ادارہ موجود ہے، ضلعی سطح پر ڈسٹرکٹ ڈیزاسٹرمینجمنٹ مضبوط کرنے کی ضرورت ہے۔
عمران خان نے کہا کہ ڈسٹرکٹ ڈیزاسٹرمینجمنٹ مقامی حکومت کا سب سے اہم جزو ہوگا۔
انہوں نے مزید کہا کہ قدرتی آفات کی شدت اور تعداد میں اضافہ ہوا ہے، نقصانات میں کمی کے لیے تمام وسائل بروئے کار لائیں گے۔
آزاد کشمیر اورخیبر پختونخوا کے قیامت خیز زلزلے کو13سال بیت گئے
واضح رہے کہ 8 اکتوبر 2005ء کو آزاد کشمیر اورخیبر پختونخوا میں آنے والے تباہ کن زلزلے کو آج تیرہ برس بیت گئے۔ اس اندوہناک سانحے میں 80 ہزار سے زائد افراد جاں بحق ہوئے، اس قیامت صغریٰ میں بلند و بالا عمارتیں مٹی کے ڈھیرمیں تبدیل ہوگئیں۔
